姜濤升呢新一代「吸金王」!夢想買樓收租、堅持唔接內衣廣告原因竟然係…
撰文:東方新地|圖片:姜濤及Stanley IG圖片、預防HPV宣傳片及ViuTV電視載圖、新傳媒圖片庫、《新假期》截圖、廣告發相|編輯:20|原文刊於:東方新地
姜濤夢想買樓收租
姜濤近日取代「星夢一哥」周柏豪成為新一屆「Fight HPV 教育宣傳大使」,可以孖住前輩兼影后阿Sa(蔡卓妍)拍攝宣傳片,日前兩人一同出席預防HPV的宣傳活動時,姜濤被問到成為新一代「吸金王」後,係咪已經賺夠第一桶金,可以實現買樓的夢想?他卻表示現時仍有好多支票都未收到,他笑言:「都會畀嘅,係比較遲啫。」
![姜濤](https://imgs.orientalsunday.hk/wp-content/uploads/2021/04/01_5059040246077fc08666a8.jpg)
雖然仲未收到廣告酬金,但夢想係買樓收租的姜濤,透露自己已經開始睇緊樓盤,他表示早前拍攝真人騷節目《調教你MIRROR》時,主持梁祖堯已帶過他去睇樓,他直言希望將來起碼可以買到兩層樓,一層用來收租、一層用來自住。
![姜濤](https://imgs.orientalsunday.hk/wp-content/uploads/2021/04/02_7307638766077fc0a90691.jpg)
拒拍內褲廣告
被問到最想接拍的廣告類型時,姜濤回答係美食廣告,因為可以光明正大狂食,女性衞生巾廣告的話,他直言為賺錢亦不介意接拍,但最好可以拉埋全隊MIRROR成員一齊上陣拍攝。
![姜濤](https://imgs.orientalsunday.hk/wp-content/uploads/2021/04/04_3241037556077fc0dd9512.jpg)
而講到要晒Body的內褲廣告,姜濤就搞笑話要將他個樣Key在隊友Stanley(邱士縉)或Alton(王智德)的Body上,才可以接拍,他笑言:「我都有自知之明,驚我用真身拍完之後,就嚇走晒啲客,乜廣告都冇晒呀!」
![姜濤](https://imgs.orientalsunday.hk/wp-content/uploads/2021/04/05_6721413896077fc0f8cbac.jpg)
即睇姜B拍宣傳片:
延伸閱讀:
姜濤成就解鎖為麥記賣廣告 講「姜B」急口令 姜糖戥尷尬
姜濤早前取代陳奕迅成為麥記代言人,為新推出的煙肉巨無霸拍廣告,麥記為此更特別推出「姜B餐」同「姜B卡」,而姜濤將麥記八十年代家傳戶曉的急口令:「雙層牛肉巨無霸,醬汁洋蔥夾青瓜,芝士生菜加芝麻,人人食過笑哈哈」重新演繹,將經典改成「芝士生菜加bacon,姜B食過笑哈哈」。
![姜濤 麥記 急口令 姜B](https://imgs.orientalsunday.hk/wp-content/uploads/2021/02/photo-3_02_1390747086039c36fd4e5a-1024x683.jpg)
姜濤接受傳媒訪問時,再演繹廣告中的急口令時,竟表現得怕醜又尷尬,姜糖們紛紛留言指偶像個樣勁老尷,「好尷尬喎佢」、「2021尷尬之最」、「新包就係加咗煙肉嘅巨無霸,佢講出嚟自己都笑」、「係人都知佢最怕被人叫B,今次仲要自己講出嚟」。
![姜濤 麥記 急口令 姜B](https://imgs.orientalsunday.hk/wp-content/uploads/2021/02/img_0710_10366353986039c3e92360d-1022x1024.jpg)