【今日R.I.P】姜濤受加蔥訪問現真性情：其實我都好多缺點㗎！扁嘴投訴唔鍾意被叫「姜B」

撰文：東方新地｜ 圖片：《今日R.I.P》影片截圖｜編輯：海月｜原文刊於：東方新地

姜濤展示手機wallpaper

加蔥對住萬人迷姜濤，表現得好正經，一開始他就叫姜濤拿出手機展示wallpaper，而姜濤亦乖乖照做，佢仲話「時刻保持謙卑」是他的左右銘，所以出道以來都沒有換wall paper。

姜濤擇偶唔睇外表

加蔥第一條問題就問姜濤的擇偶條件，姜濤話喜歡的外表可能會成日轉換，所以沒有特定的準則，最緊要是可以體諒他的工作，給予空間。

姜濤唔覺得自己好勁

外表與內在好一置的姜濤，為人內斂，他表示從來唔覺得自己好勁可以代表所有後生仔，只是他夠好運能有機會在幕前發展。

姜濤被花姐提醒慎言

講到有意置業，姜濤笑言睇樓唔一定即時買到，更口快快表示有很多酬勞都未收到，不過花姐即在旁扮咳提醒他小心講說話，姜濤笑得好尷尬。

姜濤早已計劃人生

姜濤出道時曾講過，賺到錢買樓就會退休，現在才22歲的他，相信好快就可以達成買樓的願望，至於退休，他表示想30歲前完成自己想做的事情，包括做好音樂及拍一個斥資300萬的MV。

姜濤與姜B都唔鍾意

出道時才19歲的姜濤，一直被叫「姜B」，夠晒可愛，原來他一直很不喜歡這個外號，不過最估唔到是連真名姜濤也不喜歡，更曾向花姐提議改名，可惜紅得太快，全世界都知他叫姜濤，冇得改！

即刻睇睇姜濤現身《今日R.I.P》