姜濤生日開Live自爆體力透支一度暈倒 感謝粉絲付出：上天一次過彌補返畀我
廣告
姜濤昨日22歲生日，一眾粉絲重本落廣告打造成「姜濤號」電車和「姜濤灣」（銅鑼灣），又悉心佈置成姜B生日打卡點。姜濤也十分識做，在今日凌晨1時，排完舞返到屋企後立即開Live同大家見面！
撰文：Lmc丨圖片：姜濤＠IG丨編輯：海月
姜濤生日開Live自爆體力透支一度暈倒
姜糖的生日祝福姜濤也收到，他在Live中表示早前綵排時，因體力透支，曾一度暈倒不省人事。半小時的live中，姜濤多次感謝姜糖安排的生日驚喜，但他也十分心痛fans：「實在太多（禮物），其實寫卡已經好好，對一個由細到大冇乜收過禮物嘅我嚟講，收卡已經好好，每一個人祝福都收到，可能之前嗰22年冇乜收過，上天一次過彌補返畀我。」
姜濤指自己情緒變差發脾氣
在Live中，姜濤也大爆自己情緒變差發脾氣：「《叱咤》完咗到而家都有差唔多半年，呢段時間發生好多嘢，確實未消化得晒，好多嘢嚟得好快，攞到獎當然係好事，因為大家鍾意我同我啲音樂，係好開心，但同時壓力亦大咗好多。」他又指自己尤其最近情緒很差，近這兩日常常發脾氣，希望之前因發脾氣而影響到的人，講聲唔好意思。
個唱後會放長假
姜濤又指演唱會後會放一個長假處理自己私事，他提到想畀自己唞一段時間，另一方面也想趁呢段時間醫返好隻腳和學跳舞和唱歌。這時Fans立即勤他多休息，十分貼心。
姜濤提到緋聞女友Candy：真係一個誤會
日前曾爆出姜濤與《YOLO的練習曲》的Candy拍拖，他提到：「佢之前同我哋有好多新聞，呢個真係一個誤會，新聞出街後，睇到留言係咁鬧佢，想同佢講唔好意思。」姜濤在Live最後講到多謝大家睇得起他。
