After Class︳成員最新走勢 姚焯菲詹天文晚裝vs小背心網民激讚！
廣告
由《聲夢傳奇》學員炎明熹、姚焯菲、鍾柔美及詹天文組成的女團After Class成軍一年後，因為姚焯菲要到紐西蘭讀書而無咗更新團歌等。不過4人各有各精彩，一文睇晒4人最新走勢，唔少網民都大讚而家成員都亭亭玉立、女人味十足！
After Class︳姚焯菲盛裝參加學校舞會 亭亭玉立超有女人味
姚焯菲為了遠赴新西蘭升學，暫別香港樂壇，不過姚焯菲依然經常喺社交平台分享日常近況，等粉絲們可以知道偶像嘅最新近況。去到紐西蘭唔夠半年嘅姚焯菲，已經非常適應當地生活，同同學們打成一片。近日就有姚焯菲參加學校晚會Annual Ball的照片流出，姚焯菲盛裝打扮，穿上黑色晚裝，成熟得嚟亦非常有女人味！
After Class︳詹天文熱褲背心上陣 狂扭大曬舞技
至於今年17歲的詹天文早前就推出個人單曲《沒有你的新學期》，日前又喺IG分享一條跳舞短片。片中詹天文穿上熱褲加黑色小背心，喺大樓露台上跳舞大曬舞技，手長腳長嘅佢狂扭下盤，網民都大讚詹天文舞技大有進步，甚至可以媲美被粉絲們封為「跳舞女王」嘅同隊成員鍾柔美。
After Class︳炎明熹緊身白背心曬身材驚艷網民
早前網民亦翻出炎明熹以性感打扮出席活動的近照。炎明熹年紀輕輕出道，一直以可愛形象示人。不過所謂女大18變，炎明熹一踏入18歲就即刻以性感造型出席活動。早前在珠海舉行的《芒果音樂季》上，炎明熹身穿緊身白色小背心突顯身材線條，網民都驚訝原來炎明熹竟然係「有料之人」，一直以來只係「禾罕冚珍珠」！
After Class︳鍾柔美牛仔短褲 朝聖睇BLACKPINK
至於另一「聲夢小花」鍾柔美亦非常忙碌，又要忙返學，又要兼顧幕前演藝工作，不過就依然有時間去追星。早前鍾柔美帶住應援棒到澳門朝聖睇BLACKPINK演唱會。牛仔短褲上陣嘅鍾柔美大曬長腿，少女味十足。
撰文：東方新地圖片來源：Facebook@聲夢傳奇粉絲群組、IG@win_dy__、IG@yiminghay、小紅書@derekderek911、小紅書@inflexable資料或影片來源：原文刊於東方新地
