【大步走】楊凱博被劉穎鏇搞到面紅！網民讚完美演繹少男初戀：原來係當年「保險四眼𡃁仔」
廣告
【大步走】楊凱博人仔細細不過十分好戲，女神劉穎鏇劇中為教楊凱博搵脈搏，捉住博仔隻手，摸自己條頸，搞到14歲嘅楊凱博面都紅曬。真係好奇到底博仔嘅面紅係演技，還是⋯⋯
撰文：神仙b｜圖片：新地、楊凱博IG、劉穎鏇IG、TVB《大步走》 截圖｜編輯：海月
楊凱博被劉穎鏇搞到面紅
TVB新劇《大步走》講麥宇笙情竇初開暗戀Belle（劉穎鏇飾），由14歲童星楊凱博演嘅麥宇笙。其中一幕講述Belle教麥宇笙如何搵脈搏，當女方捉著他的手仔摸著其脖子，麥宇笙被搞到「紅都面晒」。之後她更走去偷拍女神，最後當然認錯，更跟女神影合照。
網民盛讚楊凱博完美演繹「少男初戀」
網民盛讚楊凱博完全演曬男仔細細個，自己掂到鍾意嘅人個「青澀樣」。亦都有網民將佢同當年嘅「香蕉仔」鄧一君比較，認為兩個童星嘅演技叮噹馬頭，都值得稱讚。
而同佢演對手戲嘅女神劉穎鏇，佢喺自己IG分享二人合照，並留言讚楊凱博：「小笙，你真係好man，好可愛啊 。」
童星出道 經典廣告讓網民印象深刻
楊博凱童星出道，早於2012年佢就演出保誠嘅廣告。廣告內佢以一個「四眼𡃁仔」嘅形象出現。佢俏皮問：「乜嘢叫做保險啊？」呢一幕因為表情交足功課，被網民截圖成為萬能Key。佢廣告嘅演出令人印象深刻。
