長腿KOL地鐵慘遭抽水!眼鏡男真實身份曝光 疑係老手仲會分享心得?
目擊者發現 疑似有港女被非禮
近日,一名女網民在 Threads 發文,指控一名戴眼鏡的男子在車廂內,疑似對一名女子進行不當接觸,並形容當時車廂內空間充足,無需如此靠近。「當時其實架車仲有大把位,望望下唔對路即刻影底佢,(比佢望到我影佢咁好驚) 果然原來2個係唔識⋯⋯ 勁恐怖」
事件引起熱烈討論,該女網民亦補充解釋己當下沒有發聲的原因。「因為唔知佢地係咪相識,怕誤會所以當下諗到係即刻影底,如果唔係誤會,個女仔求救/表現好驚慌我可以有證據係手,呢個方法可能未必係最好,最後個女仔落車我當下都冇咁快反應,應該係話唔知點處理好」
![地鐵 抽水 (圖片來源:Threads@fcw0609)](https://imgs.weekendhk.com/wp-content/uploads/2024/07/-2024-07-25-1.26.22_154980978466a1e26771a4c-576x1024.png)
受害者為人氣KOL 現身感激拍攝
受害者隨後現身,被發現是人氣KOL Sa妹 ,她怒斥該名男子利用身體接觸其敏感部位,並表示當時感到無助。「果時我比佢頂pat pat,我乜都唔敢做,淨係夠膽擰轉面啤住佢」。她進一步解釋,由於當時男子站在她背後,她無法拍攝到對方的正面,感謝有目擊者拍下了事發過程及疑犯的正面照片,同時控訴要「畀班男人 blame the victim!!話係我問題!」
![地鐵 抽水 (圖片來源:Threads@samuiii218)](https://imgs.weekendhk.com/wp-content/uploads/2024/07/452631566_3623095034609051_7711515141105518232_n-2_122086673666a1e282449d8.jpg)
多名女網民坦言曾受害 怒斥男子為慣犯
這起事件在網上迅速引發公眾關注,許多網民紛紛留言譴責該名男子的行為,此外,其他網民也紛紛表示曾遭遇類似的非禮行為,並指控該名男子可能是一名慣犯。「呢個人好似我之前搭港島線又係下身勁貼我喺到又郁又磨」、「有另一位受害人原來9月已經受害!」不過連登仔就認為地鐵許多時都非常多人又迫,又指該男士只係「聞吓洗頭水」
![地鐵 抽水 (圖片來源:IG@samuiii218)](https://imgs.weekendhk.com/wp-content/uploads/2024/07/iod38uc_18563421366a1e26c5cbfe-559x1024.png)
該男子疑似在討論區 分享搭地鐵抽水經驗
有網民更發現,疑似是該男子在香港討論區分享搭地鐵抽水經驗。文章中寫道「呢兩個星期,我試過幾次喺地鐵度向啲囡囡抽水……」,「上車的時候,睇住最後個囡囡上埋車,我就迫埋上去佢後面,成個身貼住佢背脊」,「有次試過頂住個OL嗰pat pat,個OL feel到咪行前少少避開我…」,有不少網民留言質問身份,但樓主沒有再回應。
![地鐵 抽水 該男子疑似在討論區 分享搭地鐵抽水經驗(圖片來源:香港討論區截圖)](https://imgs.weekendhk.com/wp-content/uploads/2024/07/-2024-07-25-1.29.22_96865256366a1e31ed9d70-1024x654.png)