嘉盈晒奶救《小薯茄》？ 拍片解構大波妹的煩惱
嘉盈Double May上身救亡
昨晚YouTube Channel《小薯茄》po了條題為「【Double May】大波妹唔易做(非曬命)」片，唔夠一日YT觀看次數達10萬，近7萬人派likes，呢條片主角係KOL嘉盈，24歲嘅佢一向好清楚自己核心價值所在，不時派福利，仲將自己嘅優勢大公開今次呢條「Double May」片，將一向被網民戲稱「兒童台」的《小薯茄》一嘢推到變「成人台」。
解構Double May
「個個都羨慕大波，唔通個個都想大波咩？」嘉盈呢條片要為Double May同自己平反，Double may取其國語諧音就係「大波妹」的意思，傳說有位台灣女生向心儀的男生示愛，男生回覆一句「Why Double May」，女生百思不得其解，後來才知道自己被拒絕了，「Why Double May」其實是國語「我愛大波妹」的諧音，男生拒絕女生之餘更暗指女生身材飛機場一族。嘉盈呢條片講解Double May的煩惱由她親身上陣示範，例如著衫選擇唔多，因為易走光、又好易身材激突唔靚、食嘢又會跌落條罅度咁。
瘋狂胸部大特寫
以為樓上係戲肉就大錯特錯喇！嘉盈之後示範大波妹孭「𠝹波袋」、追巴士同成對波擺上枱，實行環迴球體展，夠晒立體㗎！網民群起comments，指《小薯茄》突變「成人台」、「掌握到流量密碼」、「大波必撐」等等。
最後一次性感？
嘉盈一向誓不驚人乳不休，今次苦口婆心拍片同大家講大波妹的煩惱，仲同一眾胸前偉大的姊妹講：「我哋唔係淫底」、「唔係波大無腦，我地係大波妹」，似乎為呢對波而感到自豪！其實早前嘉盈曾登上男士雜誌《君子》的版面，影咗輯moody內衣爆乳相，當時的她接受訪問時透露，因為有次拍廣告，對方好著重佢要顯露身材，令她在現場感到好唔舒服，自此她將衣櫃內的性感衣服掉晒，仲改變衣著喜好，所以佢話嗰次《君子》的訪問應該係「我最後一次如此性感」，睇嚟嘉盈都幾健忘吓！
嘉盈曾被初戀打到流血？
嘉盈16歲還在讀書階段就初戀，當時因為一件事就與前男朋友嘈交，然後被批踭打到落塊面度流血；嘉盈參加ViuTV戀愛真人騷《姊妹們的國際市場》，以低胸貼身上鏡，每一舉動及說話都令引起話題，但近日嘉盈以「標準嘅香港女仔」自居就引起網民熱討一句說話激嬲港女。
嘉盈近日疑似真空激凸？
嘉盈時不時就喺社交平台開直播出story分享自己的生活點滴，近日佢最新的story竟然素顏兼真空上陣…詳情請看。
