和解在後｜Ivy So拍劇演技獲讚首集OL Look勁正（多圖）

由COLLAR成員Ivy So（蘇雅琳）擔女主角拍住導演之一的恆仔（趙善恆）的ViuTV原創劇《和解在後》昨日（27日）終於播出首集，唔少觀眾睇完都大讚Ivy So演技不錯，唔似第一次拍戲，不過網民指重點係Ivy So首集以成套suit出場！

和解在後｜網民：鏡頭識玩影到Ivy So勁正

ViuTV原創劇《和解在後》昨日首播即引起熱討，網民都大讚Ivy so蘇雅琳第一次做戲實在係超水準，拍住趙善恆好有睇頭，更加期待之後每一集「真係唔似第一拍戲」「Viu啲劇越嚟越好睇」不過唔少觀眾除咗欣賞Ivy so的演技之外，仲留意首集以OL裝出場的Ivy so，著晒成套suit，引死粉絲，大讚鏡頭識玩，影到Ivy so好靚之餘，仲係咁影晒全身OL裝的Ivy so，簡直係向Ivy so的粉絲派福利圖「Ivy so 著OL裝真係幾正」「soma靚到黐線呀」「又幾好睇喎 ivy正」「個鏡頭係咁有心影佢對腳，明明有啲影半身就得，係要影全身」！

一睇Ivy so OL裝，連環多圖！

和解在後 ivy 和解在後一個「異類」調解員 - 葉志凡恆仔飾）遇上一位法律系畢業的年輕女實習生 - 方圓Ivy So飾） — 一個「異類」調解員 – 葉志凡（恆仔飾）遇上一位法律系畢業的年輕女實習生 – 方圓（Ivy So飾）（圖片來源：makerville.hk）

和解在後｜恆仔大讚Ivy So唔似「第一次拍劇」

趙善恆、Ivy蘇雅琳、岑珈其、Sica何洛瑤、李敏、袁綺雯，昨日齊齊出席ViuTV新劇《和解在後》記者會。恆仔大讚Ivy表現相當好，笑言對方應該上一世已經拍過劇：「去到現場拍，一齊玩，一齊去做，佢好快就上電喇，好唔似第一次拍劇，應該上一世拍過劇」仲講笑話自己係喺700萬人當中揀選Ivy So做女主角，「其實佢有個隱藏性格，對事情好黑白分明，呢種就係方圓嘅性格嚟架喇」，二人表示拍攝期間合作無間之餘，Ivy更笑言自己笑點低，經常被恆仔同珈其引發激笑，忍笑忍得好辛苦。