周慧敏澳門倫敦人舉行《地老天荒愛一場》演唱會親述舞台背後小故事

周慧敏將於8月31日在澳門倫敦人舉行名為《地老天荒愛一場》的演唱會，這是她時隔7年再次舉辦個人演唱會。Vivian表示，生活中除了家人、貓咪和好朋友，大部分美好的回憶都來自於她的支持者。因此，在她還有能力和心力的時候，她希望能夠回報那些愛她的朋友，「希望今次演唱會，除了以歌會友之外，我跟觀眾可以好似好朋友咁，來一次深情告白。」演唱會的門票將於8月2日下午3時開始優先發售。

凍齡女神演唱會準備祕辛

周慧敏，現年56歲，被譽為玉女掌門人及凍齡女神。為了這次演唱會，她特別拍攝了宣傳照和海報。她坦言自己對於自己的身形還不太滿意，「手腳ok, 中央麻麻地，起碼條腰要瘦2吋，穿舞台服會好看一啲，不過我估到演出個日就會最fit㗎啦，因為我一忙就唔記得要食嘢，唔識餓㗎，每次開show都係咁，係咪好奇怪？今次更加係我嘅大挑戰，從來未試過得一個半月時間比我籌備一個演唱會，喺咁短時間處理咁多嘢，破晒我嘅紀錄，不過我唔想錯過每個可以令支持者開心的機會，所以當我經理人古巨基太太告訴我8月31號巡演開鑼，我愕然左一下，都開心地答應了，因為我心裏面滿有平安，相信團隊嘅看顧。」她透露自己一直有定時學習聲樂，並已開始準備演出服裝，但訂製服裝遇到了阻滯，原本4星期的送貨期變成了12個星期，她笑言，「唔知係咪騙案，啲朋友問係咪要報《東張》？」她已做好了兩手準備。

貓咪與生活甜蜜煩惱

Vivian在準備演唱會的同時，也忙於排舞和開會。儘管壓力很大，但每次回到家，她的三隻貓都會讓她感到治癒和放鬆，「見到佢哋，我同Joe都即刻就冧冧豬。」她表示，三隻貓都非常愛爸爸媽媽，其中「豬皮」特別依戀她，「我唔出街佢就最開心，Joe話我出trip時候豬皮就冇晒心機，少咗叫少咗活動，反而其他兩個貓細佬就如常，細佬們有爸爸就可以。豬皮好多時候都等我返屋企先去便便，因為佢大肚腩自己清潔唔到，鍾意我幫佢清潔和極速清理砂盤嘅大小便。我唔喺屋企，佢連便便都會少啲，唉，陰公豬。所以我為左我啲貓開心，都好少出門去旅行，免得小朋友太掛住媽媽。我依家已經開始同豬皮，B B和Mike仔三個講定，媽媽遲下要行開幾日唔係屋企，希望佢地聽得明啦，同豬皮講果刻，佢一聽到就走開啦，希望唔係嬲嬲豬啦。」