吳若希陀仔大晒把口唔收寸老公當自己係狗

吳若希結婚三年，經常在網上發文大鬧老公Alex（何兆鴻），無論老公打機、講電話、玩手機一律都唔滿意，仲將老公剷上天，再加上依家陀著金叵羅，更加當正老公係奴隸一樣；而日前，何兆鴻就帶吳若希外出食飯，但吳若希竟將自己比喻為狗來反寸老公，把口完全唔識收。

撰文：東方新地｜編輯：HM（原文刊於：東方新地）

吳若希陀仔大過天將自己比喻為狗來反暗寸老公

現年28歲的吳若希，負評早就一大籮，對住老公一樣冇面比，經常小題大做，近月新冠肺炎疫情留家安胎的她，老公難得和她外出吃晚飯，她又發文自喻係狗，話聽到有得出街勁興奮，仲話老公叫佢HandHand都會。

早就寸老公當家常便飯的吳若希，近期不時晒出大肚寫真，不過早前晒相之餘，她又寸爆老公掛住傾電話：「何生跟他的電話恩愛了一整晚，我跟我的肚子搏鬥了一整晚！然後我默默在我的手機search離婚方法，看了發現過程那麼繁複，那還是算了！

又tag話「叫你手機幫你生兒子」，將自己當成女皇高高在上，老公做咩都錯！

諗嘢永遠騎呢過人嘅吳若希，日前自己結婚周年，這日咁啱是張寶兒生日，她竟然貼出老公相片祝賀Bowie生日，連張寶兒都忍唔住抵死留言問佢，「做咩鋪你老公個樣嚟賀我！」「以後我每年都會收到這樣的祝福嗎？」

真係人哋唔話你都唔好意思啦！

關鍵詞