吳君如分享育女心得：「錫女兒錫到燶」但非怪獸家長

吳君如近日接受新城廣播節目《QK玉瑛室》的訪問，期間她談到了自己的育兒經歷和對待女兒的態度。君如於2006年41歲高齡誕下女兒，並親力親為照顧愛女。她自嘲當時的狀態就像電影《家有囍事》中的「程大嫂」，面對育兒的種種挑戰，她坦言：「又要餵母乳、換尿片、沖涼，又要紮起個頭，我坐完月諗住去電台開咪，但因為我係開刀，把聲笑唔到，好似有道氣洩咗咁，我就係嗰時冇笑得咁大聲，我話我要暫停，後尾搵人替班。」

育兒路上艱辛與挑戰

為了照顧女兒，君如曾經足不出戶，情緒亦十分崩緊。直至丈夫陳可辛提議她外出走動，她才嘗試到商場看電影，但初次出門就感到頭暈。後來，她請來陪月幫忙，但對方臨時甩底，君如只好再找第二位陪月，然而新來的陪月從未為她下廚煮月子餐，讓她感到非常緊張：「我好緊張個女，佢就成日抱住我個女，平時喺出面也文也武，但我個女喺佢手上，惟有包容佢啦！」

教育理念與家庭和諧

君如形容自己已到生不出的階段才誕下女兒，所以「錫女兒錫到燶」，並十分用心作出栽培。不過，她強調自己並非怪獸家長：「我真係管接管送，但補習就唔得，啲功課愈嚟愈深，啲傳媒話我用好多錢栽培個女，其實唔係你哋想像咁，都係正常帶佢去返學，最多帶佢上BB班，冇乜管佢，佢唔鍾意畫畫咪唔好畫，唔練鋼琴咪唔好練，交到功課咪得囉，我係陪伴佢，同佢傾偈嘅阿媽。」問及與陳可辛在教育女兒方面是否有意見不合時，君如透露：「佢梗係唔捨得鬧個女啦，我大部份時間都唔捨得，但好過份時就會鬧佢，鬧到七情上面，鬧到我自己先喊，咁佢就記得呢場戲喇！」