保錡直播爆粗：「X你老X」形象大插水網民炎上：「花姐踢佢出ERROR！」

組合ERROR成員保錡近排負面新聞未停過！上月與性感女神沙律張沛樂的戀情被踢爆後，旋即吳保錡被正印女友賴嘉賢(Carrie)指證未甩拖就另結新歡，又有聲稱是吳保錡前度的K小姐踢爆男方慣性出軌……吳保錡日前在社交網玩直播時，被網友激嬲火起爆粗，而沙律就一直在旁力挺愛郎。吳保錡繼續得罪網民，自毀前途，不少人在ERROR及經理人花姐的社交網留言，要求花姐放棄吳保錡。

撰文：東方新地｜圖片：吳保錡IG圖片、沙律IG圖片、ERRORIG圖片｜編輯：20｜原文刊於：東方新地

吳保錡直播爆粗：「X你老X」形象大插水網民炎上：「花姐踢佢出ERROR！」

吳保錡無視負面新聞

組合ERROR成員吳保錡因與沙律張沛樂拍拖上晒位，被爆戀情後正印女友賴嘉賢(Carrie)即公開指男方未搞清楚關係就劈腿，吳保錡更惹來多位前度唱衰是花心蘿蔔。形象直插谷底的吳保錡，懶理負面新聞繼續食沙律，二人近日高調拍拖，沙律陪住吳保錡慶祝30歲生日，又孖住一齊在社交網做直播。

吳保錡日前開直播，一開始就忍唔住講粗口，有網民叫他冷靜。 — 吳保錡日前開直播，全程影住另一部平板電腦睇自己的MV，吳保錡一開始就忍唔住講粗口，有網民叫他冷靜。

吳保錡直播睇MV

形象已負面得很的吳保錡，日前邊播自己的MV邊做直播與網友互動，當時沙律亦在旁，首先有網友指他與沙律拍拖「呃蝦條」，吳保錡即發火：「X你老X咩，呃蝦條，真係好X好笑，Keep住拍拖就係呃蝦條！」吳保錡隨即以粗口還擊：「X你老X咩，真係好X好笑你老X……你阿爸阿媽都係呃蝦條啦X，唔呃蝦條點生你出嚟？」而沙律竟在旁陪笑，還語帶輕佻說：「咁呢個世界上阿爸阿媽都係呃蝦條。」

有網民問吳保錡有冇因為感情事而被公司照肺，吳保錡話完全冇咁嘅事：「返學咩，你返學畀老師話就有可能！」之後再加一大輪極速粗口。

吳保錡表演極速講粗口

其實直播一開始吳保錡已經按捺不住狂爆粗，當有網友講到他似足八両金，他即又爆粗叫網友要尊重別人：「知唔知八両金乜X嘢樣？我見到你個ICON，睇唔X到個樣，覺得你個樣好X似八両金！你同八両金一樣呀，有眼耳口鼻呀，你有冇尊重過我呀？八両金，我都未話你唔X尊重我！」吳保錡完全收唔到火，以秒速狂講粗口，令整個直播充斥住粗口。之後有人留言指「沙律好食」，吳保錡又扯火：「好唔好食都唔關你事，係人都會拍拖！」他還強調藝人講粗口好平常，公司亦不會照肺。