《同居少女諸事卜》蘇皓兒與鄧月平上演同性親密戲份探索愛情與自我

親密戲份揭示角色深層情感

在《同居少女諸事卜》中，蘇皓兒與鄧月平的關係充滿曖昧，包括擁抱和麵貼面等親密鏡頭。其中一幕是蘇皓兒在球場醉酒後，與鄧月平深情地近距離互望，場面浪漫。拍攝期間，兩人笑稱拍攝時感到臉紅耳熱，有些尷尬。「其實圍讀劇本時都有啲面紅，雖然我之前都有拍過同女仔親密戲，但今次呢個真係好浪漫，醉酒面對面望住對方，有面紅耳熱心動感覺，加上阿平好靚，我本身都好鍾意欣賞女仔，所以出嚟感覺好浪漫，成個畫面好唯美，好有日系或韓劇感覺。」

鄧月平挑戰新角色

鄧月平在劇中首次嘗試演繹較「Man」的角色，她表示自己雖然外表女性化，但性格屬於「男人底」，因此並未感到太大挑戰，還開玩笑說終於可以發揮自己的真實性格。「今次係我第二次同女仔親密鏡頭，不過今次較大挑戰係Chloe比較高，但我角色嘅氣場要高過佢，所以我盡量調節自己，令自己高度唔高，但氣場要高。」鄧月平還透露曾被同性追求的經歷，「我有個由中一到而家都感情要好嘅朋友，我到今時今日都話對方中學時鍾意過我，但佢死口唔認，點解我覺得佢鍾意我？當年佢送咗隻公仔畀我，然後眼甘甘望住我、想同我表白。」

籃球戲份增添真實感

劇中的籃球戲份對於熱愛籃球的蘇皓兒來說並無違和感。「每次工作要打籃球都有少少壓力，近排開工較密，少練波，所以拍攝打籃球時有啲緊張，希望出嚟效果好，相信自己有少少功架喺度。」而鄧月平則坦言自己完全不懂打籃球，得知劇本中有打籃球的戲份後，匆匆買了籃球回家練習。