【尋秦記】黃文標感謝古天樂！ 滕翼+項少龍20年兄弟再聚！轉行賣魚不忘演出
廣告
經典劇集《尋秦記》20年後出電影版作，預告片一出即引來網民極大迴響。古天樂邀請到《尋秦記》原班人馬演出。除咗主角林峯、宣萱、郭羨妮、滕麗名、雪兒等參演外，令人驚喜嘅係項少龍好兄弟，配角滕翼都有喺預告片現身～
撰文：Andy｜圖片：黃文標微博、《尋秦記》截圖｜編輯：海月
【尋秦記】黃文標感謝古天樂
黃文標於《尋秦記》飾演配角「滕翼」。劇中係主角項少龍好兄弟，亦係推動劇情發展嘅仲要角色之一。雖然黃文標早已轉行賣魚，但佢坦言自己對演戲依然充滿熱誠，依然將「演員」為終身事業。
廿年後再出演「滕翼」感到驚喜 感謝古天樂邀請
黃文標對於20年後再演出同一角色感到驚喜。佢透露，原先劇本並冇「滕翼」呢角色，到咗第10稿先加插入來。
佢坦言20年前拍完《尋秦記》後就冇同古天樂聯絡。估唔到古天樂開拍電影版時仲記得自己，佢十分感動。
大爆古天樂於電影版不少搞笑位
黃文標憶述當年拍《尋秦記》時古天樂經常「爆肚」，對戲果陣經常接唔到對白。而今次電影版，佢大爆稱好耐冇拍喜劇嘅古天樂有好多搞笑位！
離巢後收入大減 要賣魚維生
黃文標於2012年離開TVB外闖，身為自由身嘅佢片酬收入大減，所以多年前轉行賣魚幫補生計。
不過，黃文標稱自己對演戲仍然充滿熱誠，佢將「演員」視為畢生職業，依然希望參與電影及電視劇演出。更話只要能夠維持生活，就算只演出二、三線及跑龍套都沒所謂。
