十大中文金曲｜7大花生位！DJ Soda性感登場都救唔返變內地春晚

1）DJ Soda性感登場被嘲似大陸酒吧

今晚頒獎典禮的重頭戲一定就係來自韓國的DJ Soda的壓軸表演。向來愛作性感打扮的DJ Soda，今晚繼續大派福利，身穿一身超低胸白色晚裝，大曬傲人上圍。不過今晚DJ Soda的選曲偏舊，譬如有《帝女花》、《花花世界》、《夢伴》等，令網民都話雖然大飽眼福，但就有種大陸酒吧feel！

2）十大優秀歌手中4位缺席

去年頒獎典禮有多位「十優歌手」得獎者缺席，今年亦不例外，總共有4人缺席。今晚在眾多缺席的歌手之中，亦只有張敬軒預先錄影得獎感言。

今年10大優秀流行歌手，有6位去年得獎者「冧庄」，出局的是鄭欣宜、姜濤、柳應廷及衛蘭；新入圍係 AGA、魏浚笙、陳柏宇及曾比特。

今年炎明熹缺席香港電台頒獎禮、亦沒有拍攝得獎感言，令人意外，但大會仍有頒發「優秀流行歌手」給予Gigi。

3）JW王灝兒疑似偷睇歌詞

JW王灝兒今晚獲得「優秀流行歌手」，並上台唱出《13歲的天堂》。不過JW演唱期間，時不時望手板，網民都覺得JW似係偷望歌詞，偷睇得咁明顯，睇到網民都話好尷尬！

4）中國女團表演被笑似春晚

中國風電子女團SING女團今晚作為表演嘉賓出場，一出場就連跳兩首歌《上春山》、《寄明月》。雖然SING女團四人夠曬青春活力，但就被網民狠批表演似春晚節目：「真係春晚咁」、「搞唔掂 轉台」、「真係以為睇緊春晚」等。

5）菊梓橋Deep V谷胸上台

前「星夢一姐」菊梓喬今晚獲得「最佳中文唱片獎」，身穿一身Deep V黑色服裝的菊梓橋，一上台就驚艷全場，網民都大讚菊梓橋身材夠曬好！

6. MIRROR全面食白果

去年人氣組合MIRROR憑《We All Are 》獲得十大金曲獎，又得到「最佳樂隊/組合」金獎。雖然去年12子未有出席領獎，但就有拍片致謝。不過今年MIRROR竟全面食白果，不但連組合獎銅獎都無，就連個人競逐，包括姜濤、Jer等人都全面出局。

7）炎明熹缺席、陳蕾都連續兩年被消失

今年由Gin Lee奪得女歌手獎項，人氣爆燈的陳蕾就連續兩年未有獎項，不少網民都替陳蕾感到不值。至於近期被傳出被TVB雪藏的炎明熹，雖然得到十大優秀歌手獎，亦未有出席，只得主持以一句「我相信大家都好關注佢續約問題」來輕輕帶過！