劉馬車歸來！自稱「善良的惡魔」連環出16條新片 信主有新女？

劉馬車出獄表示自己信主

劉馬車早前衰咸濕案未完，劉馬車昨日（23日）IG突然復出指「善良的惡魔～馬車歸來」然後放出自己疑出獄的照片，背景係荔枝角收押所，同埋一幅畫作。劉馬車接著IG連環狂出post，又出歌又拍片，指自己已經信咗主「慈悲香港・馬車信咗主耶穌，神帶領著馬車前行，馬車幫神父Father John派飯比有需要嘅人」

劉馬車youtube更新狀況：呢段時間過得好痛苦

劉馬車除咗喺IG出post之外，仲喺youtube連環出咗16個post，一條係更新佢最新狀況的片，佢拎住自己身分證表示自己係「荔枝角收押所的受訓生」，22日暫時保釋外出等候再訊。劉馬車表示而家自己會保持低調，呢2個幾月失去自由的時間過得好痛苦，叫大家珍惜自由。劉馬車繼而多謝懲教署呀Sir的關心、教育，並表示自己本性不壞，亦知道自己情緒有問題，因為有好多壓力唔識做人，而令到自己成日做錯事。劉馬車激動指自己有反思到自己的問題，想改過自身，想他人可以明白自己。

「新歌發布會」現金髮女子！

劉馬車16條片中其中8條片係劉馬車的「新歌發布會」，而呢啲新歌的片頭都有一名金髮女子的背影幫佢拍「新歌發佈會」，指佢係支持咗劉馬車好多年的朋友。唔少網民對於仲有女性朋友的劉馬車非常震驚「個女仔好危險」「個女仔有無咁博，咁夠膽」「仲有女夠膽同佢一齊？」

劉馬車：劉月平當年我無好好珍惜你！

事後劉馬車竟然喺社交平台出post，放上同鄧月平的照片，仲話自己當年無珍惜佢，覺得好後悔，唔想佢再為自己傷心，答應今後會好好做人，仲示愛想比幸福鄧月平！

事後鄧月平親回：估唔到你依然有創意力

雖然唔少網民都唔相信女事主係鄧月平，但都引到鄧月平親回，仲大讚劉馬車係個有創意力的人！

仲有其他歌可以到劉馬車youtube欣賞。