劉穎鏇入行6年終獲器重 「終極一露」派福利！

劉穎鏇入行6年終獲器重 「終極一露」派福利！

無綫台慶劇《超能使者》今晚（21日）講述Open姐（劉穎鏇飾）簽約成為四方娛樂經理人Tina（莊思明飾）旗下藝人，以代言人的身分拍攝防曬產品的廣告。近日官方就於社交平台公開12秒預告片，當中包括Open姐3個從未曝光的廣告畫面。預告片中的劉穎鏇擺Pose時都充滿女神味，不過監製文偉鴻就指她現實中對於擺Post其實係零天分，拍攝前要找日本女演員深田恭子的寫真給她惡補。

首次大露 揚言「有擔心」

劉穎鏇直言：「我覺得深田恭子好靚、係健康嘅Sexy，自己喺屋企試擺佢啲甫士時，我睇見自己都有啲怕醜。」一向偏向保守的劉穎鏇在拍攝前都有些少擔心，直言：「我係缺少啲自信心，擔心各方面都達唔到大家要求。由於拍攝現場幕後人員唔少，初頭點都有啲怕醜，但拍咗大半日之後，加上大家都好保護我，好多動作都肯定真係唔會走光至叫我做，令我愈拍愈放心。」。

劉穎鏇獲封「雨神」

拍攝當日，劉穎鏇一到步就落大雨，結果劇組要等足半小時先可以開始拍攝，監製文偉鴻因此將劉穎鏇封為「雨神」，指對方幾乎次次開工都會落雨。劉穎鏇聞言反擊：「真係唔關我事，呢個係天氣問題，但我都唔介意大家開玩笑嘅。」。

網民大讚劉穎鏇樣靚身材正

網民對於呢條預告片都十分期待，大讚劉穎鏇樣靚身材正。有網民對於劉穎鏇一直都未紅都直言：「19歲入TVB到依家都紅唔到，結果都係要露下波。」，又斥TVB講一套做一套：「又話限奶令，結果套套都玩濕身玩波裝玩界波袋。」，有網民則提議TVB應該拍返《三日兩夜》救收視，唔好再炒《獎門人》冷飯。

即睇片！