劉德華「抖音」拍片表演特技！中國Fans狂讚：多才多藝！

撰文：Andy｜圖片：劉德華抖音、劉德華IG｜編輯：海月

劉德華抖音表演特技

劉德華喺今年1月底進駐咗抖音，開戶24小時就有1千萬followers。通常Upload日常片嘅華仔，近日就上載咗一條名為「領帶應該怎麼打？」嘅影片。抖音網民睇完紛紛讚好，大開眼界。

影片中華仔將Tie橫放喺臺面，一邊向下疊個「7」字，另一邊就疊成「L」字。接著，華仔將「L」字卷到「7」字並打結。華仔極速打完後戴上身，稍微整理之後仲對住鏡頭放電，好多網民大讚型到爆！

抖音上嘅網民見到華仔打Tie咁快手，全程連五秒都唔洗，紛紛讚歎華仔犀利，打Tie型到好似變魔術。條片48小時內就破二百萬views，勁過一大眾抖音網紅。

並非全情投入大陸 劉德華或將回港參加頒獎典禮

有人擔心劉德湖會唔會拋棄香港，全身心投入內地懷抱？大家可以放心啦，4月18日晚上嘅《Chill Club推介榜年度推介20/21》，劉德華經已入選將會同姜濤爭「年度男歌手」，大家好有機會可以喺香ViuTV上面見到我哋3代人共同嘅偶像華仔劉德華～