全民造星4｜吳雨霏任評判勾初入行回憶發文講感受 網友大呼：快啲復出，好想聽你唱歌！
廣告
《全民造星4》自播出以來，不時成為全城熱話，而本周的評判之一吳雨霏（Kary）原來已有近十年沒有在電視螢幕前同大家見面，而今次難得擔任評判的她，看到一個個追夢的女孩，從而勾起她當初入行時的回憶。
撰文：八卦妹｜圖片來源：IG@ngk、ViuTV《全民造星4》截圖
吳雨霏想復出唱歌
吳雨霏（Kary）婚後專注相夫教子，每日忙於照顧3歲囝囝及歲半囡囡，只作有限度的工作，生活充實的她，其實原來也有意想復出在幕前唱歌，而早在今年中時，Kary出席一活動時就提到自己上次出唱片已經是4年前，所以都想找個機會可以在小朋友面前上台唱。
吳雨霏任評判勾初入行回憶發文抒感受
《全民造星4》在招募參賽者時就講明今年將以打造「女版MIRROR」為目標，而曾為女團Cookies成員的吳雨霏，近日擔任《全民造星4》的評判之一，有不少網友、觀眾看到後，都表現得十分驚喜及開心。
原來吳雨霏（Kary）也十分高興今次能參與，並在其社交網上發文，大講感受：「原來我差唔多有10年冇上過電視喇，其實而家真係無冇野可以叫得郁我做嘢！但當聽到做女團評判的時候，就心郁郁，20年前15歲嘅我係商台一個Clean & Clear唱歌比賽入行再加入女團，見到一班女仔好努力地去追夢，令我想起當年的自己，跟住唔知點解好想幫佢哋。希望可以盡少少綿力分享自己係女團的經驗，女團的可塑性好高，而呢班女仔嘅努力真係唔可以抹煞，我相信呢班女仔做得到，加油！Thanks for having me」
網友高呼復出：好想聽你唱歌呀！
有不少網友看到吳雨霏（Kary）的帖文及相片後，都紛紛留言高呼求Kary復出唱歌：「期待你上 chill club」、「等妳出番嚟吖」、「We miss you Karyyyy，嗰晚真係好surprise，係電視見到你，好耐冇見喇」、「我都想聽你唱歌」、「搞唔掂，見到你勁開心，好希望有生之年聽到你新歌」、「期待你出新歌!!」
