【全民造星3】拍完《造星3》 情侶一對對！CY疑暗撻卡文姐弟戀！網民：原來Viu咁多相睇節目

撰文：海月｜圖片來源：ViuTV

【全民造星3】拍完《造星3》 情侶一對對！CY疑暗撻卡文姐弟戀！網民：原來Viu咁多相睇節目

《全民造星3》疑最新情侶：CY & 卡文

成功打入《全民造星3》10強，24歲的CY（陳澤言），憑一股儍勁以及神經刀作風，加上總決賽當晚公然向評判兼ViuTV高層金廣誠駁嘴，搶盡節目風頭，雖然三甲不入但備受注目。而10強止步的26歲B組隊友卡文（關嘉敏）出身女子組合Bingo，可惜入行4年一直被視作花瓶，今次終憑《全民造星3》受到外界關注。

日前二人就被網民目睹齊齊搭港鐵疑去拍拖，卡文更一度在車廂冧爆挨落CY身，然後二人齊逛尖沙嘴K11商場。面對呢段疑似戀情，CY就表示：「我哋唔係拍拖呀！係大家了解緊囉」。反而卡文就對戀情未有否認，更直認大家互有好感：「我同CY因為《全民造星3》認識，都多咗了解，我同佢互相對大家都有好感嘅。你話發唔發展到，睇吓我哋之後點樣再溝通、點樣去了解大家啦，希望大家都可以畀啲空間我哋啦」。

《全民造星3》比賽已落幕，爆出CY（左）和Team B隊友關嘉敏（中）撻著。

而CY喺20強及總決賽當晚，都曾經表示：「多謝我生命中3個好重要嘅女人」。事後CY於個人IG開Live時，提及其中兩個女人是《全民造星3》監製「花姐」黃慧君，以及B組導師彭秀慧，至於第3個是誰？係媽媽抑或卡文？就要等本人之後怎回應了。

《全民造星3》情侶1：田中 & 小新

田中及小新曾喺ViuTV另一節目《調教你男友》中登場，更大獲觀眾歡迎，今次更以情侶檔姿態參加《全民造星III》，再度引起話題。雖然二人面試期間，表現未如理想，不過卓韻芝就希望二人能組成男子組合「田中與小新」。

《全民造星3》情侶2：KLAU & KiKi

再次回歸《全民造星3》的KLAU（劉瑞祈），原來跟KiKi（張凱娸）在參賽前兩個月經已開始交往，今次兩人一同參加《全民造星3》，更被分派到同一組作賽，相信都是純屬巧合。雖然兩人戀情相當低調，不過眼利的網民就一早留意到兩人在《全民造星3》中經常都「糖痴豆」狀態出現！

《全民造星3》（偽）情侶3：Zeno & Manson

整個《全民造星3》比賽中，要數最令網民印象深刻的演出，一定要數上由Zeno（顧定軒）及Manson（張進翹）的《我們》，正是香港免費電視史上首個開宗名義的BL（Boy’s Love）的故事演出，讓人已分不出演出與現實。