【全民造星3】釗峰、梁文禮發文解釋揀B捨A原因 十強名單流出花姐霸氣回應！
撰文：東方新地 ｜圖：ViuTV截圖、ViuTV IG、新傳媒圖庫｜編輯：八卦妹（部份原文刊於：東方新地）
《全民造星3》A組以真誠打動眾人
《全民造星3》上周五A組派出麥詠楠（Buber）、林詠倫（Alan）、顧定軒（Zeno）、葉巧琳（Mischa）、陳葦璇（Kira）一同演出，以輕鬆自嘲的方式來表演《給十年後的我》項目，將最真實的自己坦然呈現給評判和觀眾睇。
表演完結後，釗峰及梁文禮均光泛淚光及哽咽，釗峰更表示五位表演者在舞台上拎自己條命出嚟；網友也激讚這個表演，即使隔著電視也能感受到他們所產生出來的共鳴，Viu TV的Facebook上更罕有地獲得逾7千多個讚好。雖然如此，A組卻落敗，造成2:2平手，需啟動「終極生死戰」；期間有聽到評判之一的Miss Chan Chan陳潔靈就對工作人員說：「我鐘意有力量、有Power的表演」，令不少網友都紛紛覺得評判不公。
二汶用另類方式來向好友寄託無盡思念
直至本周一（7/12）「40進30」最後一集時，A組和B組需透過「終極生死戰」來定輸贏；A組的導師林二汶就出動全體成員，並以好友兼拍檔盧凱彤（Ellen）作品《還不夠遠》來迎戰，希望學員可以全部人一齊展示想要晉級的決心，同時用另類方式來向好友寄託無盡思念，而在A組演出期間，二汶更在一旁落淚。
經過兩組的表演後，賽果最終以4藍1紅的成績，A組正式落敗，需要一次過淘汰多6名組員！作為導師的二汶，哽咽流淚向組員表示：「唔好因為比賽而唔記得表演，唔好因為輸贏而唔記得好好咁活。」感動全場！
釗峰、梁文禮發文解釋揀B捨A原因
有不少網友得悉賽果後，紛紛到釗峰、梁文禮的社交網上留言，直指比賽不公；由於網友的海量留言，令釗峰、梁文禮先後在社交網上發文解釋。
釗峰詳文：
「望到大家留言， 我諗負責任嘅都要答一次 #不喜可插 #真 #都想聽大家意見 #”全民”嘅定義 #全民造星3」
梁文禮的回應：
「唔岀呢個post，應該繼續瞓唔著！ 就嚟天光，喺張床典咗幾個鐘都未瞓得著，係咁諗住全民造星，睇fb大家嘅post，收大家嘅inbox，大至上都係問(鬧) 「點解你睇到喊但係又揀B組？」原因係，感動係因為情緒上被掀動，而唔係演出好到感動到流眼淚。我哋有個what’s app group吳肇軒話(要俾番credit佢) 就好似你朋友失戀喺度喊，你陪佢喊係當刻嘅情緒，喺件事上面都唔一定你朋友啱哂~ 超好嘅比喻！ 我問心喺呢次評審，每次㩒燈都係對得住自己個梁(良)心。 大家咁緊張，ViuTV / 花姐真係最大受益人 恭喜！ 同埋我之前話我心水10強，瞓醒先再講，希望我瞓得著 #全民造星3」
網友依然不受落，紛紛在二人的回應下再留言表示：「結果表演只睇技巧?」、「真心問？！你點解撳藍燈」、「真心希望你，吾系為劇本要做到2:2打和，而撳呢盞籃燈」、「team b 入粒音都唔準呀..幾個hea住唱。」
十強名單流出花姐霸氣回應
《全民造星3》口碑收視皆不俗，搞到無綫亦要變陣對撼，而ViuTV已定《造星3》總決賽於12月26日舉行，其實十強入圍名單早於11月尾已出爐只待12月中作正式公佈。但近日有傳由《造星3》幕後流出的終極十強名單在網上廣傳，分別係NY、ANSONBEAN、葉巧琳、CY、Alina、Kimman、KLau、Ben、陳葦璇及Cloud，而Manson同Timo都冇喺名單內。對於總決賽的十強名單被流出，《造星3》監製花姐（黃慧君）冇否認到，只簡單回覆傳媒話：「真定假，為咗觀眾，唔會講啦！可以話俾觀眾知，全民造星從來都冇造馬。」
