全民造星︳Emiko出騷遭搞手狗毛0尊重對待網民直斥：幾個男人恰細路女

ViuTV嘅《全民造星》播出後大受歡迎，令唔少觀眾認識咗係音樂路上都一直默默耕耘嘅表演者。早前《全民》第一代參賽者嘅羅啟聰（狗毛）就搞咗一個名為《The Stars Relight》音樂會，出席嘅歌手都係造星遺珠，好似有《全民造星IV》趙展彤Val、Carina等人。不過完騷後其中一位表演者Emiko就係IG出po表示係表演前後都不獲搞手狗毛尊重，指有人會認為Artist應該要忍耐所有唔合理嘅事，但佢覺得Artist反而更加要去勇敢表達自己，所以決定公開4宗罪！

全民造星 Emiko係IG出po表示係表演前後都不獲搞手狗毛尊重，所以決定公開4宗罪！ — Emiko係IG出po表示係表演前後都不獲搞手狗毛尊重，所以決定公開4宗罪！（圖片來源：IG@@emiko_mus）

全民造星 Emiko 《全民》第一代參賽者嘅羅啟聰狗毛）早前搞咗一個名為《The Stars Relight》音樂會，出席嘅歌手都係造星遺珠。 — 《全民》第一代參賽者嘅羅啟聰（狗毛）早前搞咗一個名為《The Stars Relight》音樂會，出席嘅歌手都係造星遺珠。（圖片來源：ig@kislawkc）

第一宗：大會新聞稿漏自己名

Emiko指音樂會新聞稿發出後發現漏自己名，但主辦就表明因爲已經出街所以唔願意修改，同時新聞稿已有寫錯其他表演者名字，主辦亦幫忙修改。但之後主辦人IG share po再次遺漏自己名，當Emiko向狗毛提出時，對方若無其事刪po同repost但完全無道歉，反而責罵自己唔repost。

全民造星 Emiko千字文寫下主辦嘅4宗罪！ — Emiko千字文寫下主辦嘅4宗罪！（圖片來源：IG@@emiko_mus）

第二宗：無收到要綵排流程

Emiko表示其他表演者原本係1點綵排，但到2點半都未能進行，但其實成個綵排流程都無自己份。

全民造星 Emiko Emiko透露成個綵排流程都無自己份。 — Emiko透露成個綵排流程都無自己份。（圖片來源：IG@emiko_mus）

第三宗：表演者同觀眾要共用廁所

音樂會舉行嘅地方係中環藝穗會，後台只有一個男女共用嘅廁所，無論係表演者定係觀眾都係用同一個後台男女共用嘅廁所。Emiko透露有其他表演對於觀眾頻繁出入後台感到困擾，認為主辦其實可以事前提醒表演者用其他樓層嘅廁所。

全民造星 Emiko Emiko透露有其他表演對於觀眾頻繁出入後台感到困擾 — Emiko透露有其他表演對於觀眾頻繁出入後台感到困擾（圖片來源：IG@emiko_mus）

第四宗：主辦人跳台同提子事件

Emiko指係自己表演期間，狗毛突然係舞台側邊跳落台，然後有台下觀眾送咗盒提子俾佢，之後狗毛、樂手同觀眾一齊起哄大笑，影響到自己表演。

全民造星 Emiko指表演期間狗毛突然係舞台側邊跳落台，然後有台下觀眾送咗盒提子俾佢，之後全場起哄大笑。 — Emiko指表演期間狗毛突然係舞台側邊跳落台，然後有台下觀眾送咗盒提子俾佢，之後全場起哄大笑。（圖片來源：IG@emiko_mus）

Emiko公開群組回應被指係心機女！

而Emiko亦公開了群組比佢嘅回應，有人講到自己講嘅都係真話，係想為大家好，要求佢可以del po，「我再講多次你唔del，我就當你係心機女處理。」

狗毛連環出14個story逐點回應！

事後狗毛都有連環係IG出咗14個story逐點回應，強調自己努力安排所有嘢，先係第一點佢表示唔係唔尊重，指出當時已向記者更正。到第二點彩排時間，狗毛就透露當時自己指超過20小時未收到emiko嘅回覆，對方唯一覆過自己嘅係妝頭，所以工作人員安排唔到彩排比佢，最後樂手犧牲自己嘅彩排時間去比emiko一到達去試聲。

全民造星 Emiko 狗毛話搞到咁大件事心很累，因爲牽涉太多人所以要出po澄清。 — 狗毛話搞到咁大件事心很累，因爲牽涉太多人所以要出po澄清。（圖片來源： ig@kislawkc）

全民造星 Emiko 狗毛事後係IG連環出14個story逐點回應。 — 狗毛事後係IG連環出14個story逐點回應。（圖片來源： ig@kislawkc）

強調自己已再三解釋同道歉直斥連續20個鐘未收到妥協處理

至於第三點，狗毛就話去任何一個活動未曾覺得同觀眾共用廁所係唔能夠接受嘅試，仲聲稱（原來我去首映都會同發哥用同一個廁所），唔知到要特別安排。到最後第四點，狗毛就直斥連續20個鐘都收唔到Emiko妥協處理，並強調自己已再三解釋同道歉。

全民造星 Emiko 狗毛不斷強調自己已再三解釋同道歉。 — 狗毛不斷強調自己已再三解釋同道歉。（圖片來源： ig@kislawkc）

樂手指不滿可以私下討論網民睇唔過眼：擺明蝦細路女

網民睇完兩方嘅前文後理，大部份都睇唔過眼覺得狗毛同其他樂手擺明蝦細路女，甚至到狗毛IG留言認為唔應該係表演者期間突然走落台下去廁所，認為係非常干擾表演者，而其中一位樂手就留言回應該網民，指如果係有不滿可以私下討論而唔係公開去攻擊。其他網民見到後反應甚大，並反指如果真係有私下認錯Emiko都唔會出po，亦覺得道歉post完全無道歉感覺，相反感覺係單單打打。