保錡走音唱《小心地滑》嚇窒MC！網民：全是感情的唱功！
廣告
日前ViuTV舉行《CHILL CLUB: The Alternative》音樂會，演出歌手有MIRROR成員Anson Lo、Jeremy、MC張天賦、Dear Jane等人，而嘉賓之一嘅MC唱出代表作《小心地滑》，仲搵埋ERROR成員保錡同恆仔Crossover，不過當中保錡嘅「驚人級」唱功就引嚟唔少網民評價，究竟發生咩事？！
MC聽到保錡唱功聽到「O嘴」！做唔到「表情管理」！
根據網上影片，MC一出場就先唱出一小段，然後再到恆仔，之後到保錡做壓軸出場，不過當佢唱出第一個字就已經嚴重大走音，MC望住對方唱到咁亦做唔到「表情管理」，一刻聽到O哂嘴，呢個時候真係要落返個hashtag「#求MC心裡陰影面積」先夠。
網民狠批慘過黃宗澤唱《K歌之王》！
而唔少網民睇完片段後都話，慘過當年黃宗澤同歌神陳奕迅一齊唱《K歌之王》，唱功更係K房中下水準。至於樂隊出身嘅恆仔，雖然都有網民批評，但就無保錡情況咁慘烈，都算係避過一劫。不過都有網民留言俾MC，話如果想留下黑歷史，之後可以繼續搵佢地合唱或者揀佢地嘅歌去唱。
唱功同「技安」一樣！唱《葡萄成熟時》全是感情毫無技巧！
保錡今次唱完MC首《小心地滑》，亦有人重提佢係今年2月擔任《CHILL CLUB》嘉賓時唱出Eason嘅《葡萄成熟時》嘅表演，當時網民睇完片段後負評連連，甚至留言表示，「識音樂既人就知，樂壇有佢既存在 ，真係侮辱咗音樂。」之後亦有人形容保錡就好似同「技安」一樣，開口埋口話好中意唱歌好想唱歌，但唱歌其實好難聽，並希望保錡專心搞笑就ok，唱歌就不了咁話。
圖片來源：youtube@mc_got_talent、IG@k_p0k1、youtube@ViuTV、多啦a夢
