保錡怕連累隊友宣佈暫別ERROR！偷食沙律、爆粗鬧網民人見人憎！花姐罕發暫別感言
撰文：Lmc ｜圖片來源：保錡@Facebook、ERROR@Facebook、193@IG、保錡@IG、花姐@IG、肥仔@IG｜編輯：海月
保錡怕連累隊友宣佈暫別
保錡昨晚發文長提到完成手上工作後，會宣佈暫別，以免連累隊友：
「我知道，最近凡有我出現嘅嘢都會令好多人唔開心，ERROR出首歌嘅MV又好、節目又好，就算肥仔Dee哥193做訪問，記者朋友同大家都會追問關於我嘅野。我覺得我影響咗好多人，尤其ERROR同一直鍾意我哋嘅人。反思咗好多晚，雖然我講咗好多次會重新出發，但覺得依然欠大家一個交代。我意識到一方面我之前處理感情嘅事做得唔好，另一方面，當晚直播嘅言行舉止係好唔啱，說話亦無尊重過人。呢啲全部都係我嘅過失，我要面對自己嘅錯，出嚟同大家再次道歉。」
保錡續指以前看大家負評會十分生氣，不過最近當睇到有關自己的作品，包括MV、節目、訪問等等的留言，會覺得得好內疚。因為有感自己的錯。而影響整個製作團隊的努力、其他同一個節目的藝人、ERROR三個的努力全部都因為他而受影響。最後保錡提到：「我知道保錡係大家眼中係一個毫無分寸嘅人，但希望下次大家再見到我嘅時候，會見到一個懂得尊重、願意承擔責任嘅人。我希望用行動證明。 再次同大家講多次對唔住。」
保錡今次的道歉，明顯比早前的道歉文來得誠懇，亦希望用行動來得到網友的原諒。而網友今次留言大多是苦口婆心的勸勉：「經歷，學習，成長，新一頁。」、「以後處事真係要成熟啲啦，始終在公在私都要考慮返會唔會影響到身邊嘅人。」和「以後處事真係要成熟啲啦，始終在公在私都要考慮返會唔會影響到身邊嘅人。」
而ERROR隊友193和肥仔也發IG支持保錡，193提到：「人誰無過，過而能改，善莫大焉。」肥仔也留言：「實撐你」。十分霸氣的花姐今次也出Story支持親生仔，提到尊重他有面對錯誤的勇氣，期待ERROR四子的畫面。
