余慕蓮患肺纖維化出院後成獨居老人 魚毛姐：醫生話無得醫都係等時間｜頭號粉絲

撰文：東方新地｜圖片：新傳媒圖片庫、電視截圖、Facebook｜編輯：八卦妹（部份原文刊於：東方新地）

余慕蓮先後患病 既咳又抖唔到氣以為感染新冠肺炎

余慕蓮（魚毛姐）早在7月時就曾傳出頭暈問題，從而被傳出患病需要演藝人協會照顧供養，無綫亦有派出《東張西望》特別上門拜訪，當時余慕蓮就表示，受到疫情所影響，她幾乎足不出戶，期間特別澄清有關的網上傳聞表示自己做了幾十年，雖不是很富有，但都仲有間屋亦有多少積蓄，可以自己照顧自己；《東張西望》當時亦有帶余慕蓮去看醫生，從而檢驗出患上耳石移位，所以經常頭暈的問題，經過一番的治療後，耳石移位問題一度得以改善。

之不過近日余慕蓮就再被傳出身體出現問題，有媒體就聯絡到余慕蓮並詢問其身體狀況，余慕蓮就指自己的身體大不如前，現看了數十位醫生，早前醫生就話是耳石移位引致頭暈，而現時則話肺部有纖維（化），不會痛但時常透唔到氣，行多數分鐘路程，都已經喘氣。媒體亦有問到她的生活情況，余慕蓮就表示，因舊的工人姐姐已離職，新的工人又未到，但唯幸有不少朋友輪流照顧，甚至為她準備好三餐；及後，余慕蓮還指有部份的醫生得悉她有做義工同捐學校，所以有部份的醫生不收她的醫藥費。

83歲余慕蓮唔介意做醜角

余慕蓮將人生奉獻俾演藝事業，而最為人熟悉相信都離唔開醜角或「垃圾婆」，但魚毛姐好鍾意表演，認為咩角色都要有人做，所以佢一啲都唔介意。

喺香港影圏足足70年嘅魚毛姐演出超過二百套電影及電視劇，但從來唔奢望爭做女主角，反而淡薄名利，本住入行就係為娛樂大家嘅心，演出所有角色。

一生不嫁因童年…

魚毛姐小時候經歷父母離婚，童年缺乏家庭溫暖長大下，令佢一直唔敢相信愛情。1995年，魚毛姐與「銀幕探長」曹達華爆出戀情，但佢一直堅決否認指：「我不會給人機會，亦不給機會自己。小時候做戲院帶位的時候都有追求者的，我又不會對他們有好感，做朋友就無所謂。我怕投入了一段感情之後，變成一個容易受傷的女人。」

然而，過住獨居生活嘅魚毛姐人緣卻相當好，身邊有很多朋友，閒時更會與友人到羅湖唱粵曲，有時又會去游水，更經常做慈善工作，幫助有需要嘅人。

不惜捐出身家

10幾年前，魚毛姐已將電視台頒贈嘅一筆約20幾萬長期服務金，部分捐去內地貴州興建一間小學，只望山區小朋友唔使再每日長途跋涉上課讀書！加上，自己冇結婚及冇下一代，所以更加希望能幫助有需要嘅小朋友，令佢哋有更好將來！

魚毛姐離開咗TVB多年，依家半退休嘅生活中，主力接散工，例如上內地拍網劇、接騷等。最近，ViuTV新劇《詭探前傳》中，魚毛姐飾演嘅「媽姐」有別於以往只做啲行行企企角色，但就表示自己年事已高，已經唔會捱更抵夜拍劇。

較重視心靈上快樂嘅魚毛姐曾向好友透露最好就係於睡覺中安樂咁離世，並將自己所有財產捐俾慈善機構，難怪人人都話余慕蓮一啲唔醜，皆因心美。