著名綠葉余慕蓮痛苦哭訴：想死！ 出院無期好友齊相伴

撰文：神仙b｜圖片：TVB、Wiki、ViuTV｜編輯：海月

著名綠葉余慕蓮痛苦哭訴：想死！ 出院無期好友齊相伴

「魚毛姐」余慕蓮在去年10月底因肺纖維化，於是往伊利沙伯醫院ICU接受治療。現年83歲嘅「魚毛姐」情况更一度危殆，醫生要為佢插喉、打強心針用呼吸機幫助呼吸。幸好余慕蓮最後能成功度過危險期，情况轉趨穩定，「魚毛姐」亦已經轉往普通病房休養和接受後續治療。

留院超過三個月仍未能進食 好友紛紛陪伴

余慕蓮如今留院超過3個月，仍然未能自行進食；要靠插喉管輸入流質食物和營養素。由於暫時仍未知幾時可以出院，余慕蓮好友「大姐明」林建明和鄧達智不時透過視像佢傾偈降悶。鄧達智透露，余慕蓮最初唔點講到嘢，到現在已經可以視像對談。雖然說語速較慢，但都算表達清晰。一直臥床的「魚毛姐」確實感傷心及激動，鄧達智只能不斷安慰。

林建明透露余慕蓮曾經哭訴想死

而林建明就透露，余慕蓮因為要臥床感到苦悶感，甚至曾爆喊訴苦稱想死。醫院方面由只許佢每天講1小時電話，到最近批准她每朝早傾兩小時電話以練習說話。而林建明亦補充到，「魚毛姐」精神也逐漸恢復，不過之前活躍好動嘅「魚毛姐」就因為臥床太久致手腳乏力，現正積極接受物理治理，以及練習進食，並有望可以在本月內出院回家靜養。