【內文有片】戴耀明曾豪言「要娶佘詩曼做老婆」、大讚陳法拉好正：我都渴望愛情呀！

撰文：Andy｜圖片：戴耀明IG、佘詩曼IG、陳法拉IG 截圖｜編輯：海月

曾豪言娶佘詩曼 戴耀明稱陳法拉全裸好正

戴耀明入行多年，回憶自己細個經歷和入行細節。佢自認「細細個就讀唔到書」，加上個性自閉，但心中始終希望生活多姿多采，所以決定參加《第12屆新秀歌唱大賽》。佢覺得當時自己唱歌頗有天分，可惜最終沒能攞獎，不過隨後佢亦成功加入TVB。

戴耀明自爆入行時曾幻想自己會成為第二個周星馳或者劉德華，但好快佢就有自知之明，對自己嘅樣貌有充分嘅了解，學懂「面對現實」、「安份守己」。

佢稱：「我唔鍾意交際，所以你見我今時今日都係咁嘅位置就知乜嘢料啦！我知道喺呢一行絕對係問題，不過冇得強迫，加上而家人大咗，面皮厚咗，自尊心亦強咗。」

覺得陳法拉全裸企喺面前好正 第一次拍劇就做古怪角色

入行之後，戴耀明冇選擇繼續行唱歌呢條路，反而投入演戲。佢透露自己之所以選擇拍戲，係因為台上唱歌，即使幾分鐘也不容許有任何差池，但拍劇則可以拍到滿意為止。

1994年戴耀明訓練班畢業後第一齣劇集就是《阿Sir早晨》，劇內飾演娘娘腔學生。隨後戴耀明所演嘅角色亦多屬「奇怪」類別，佢亦坦言拍呢類角色拍到厭。

直至2010年佢喺台慶劇《巾幗梟雄之義海豪情》飾演重要配角，第一次有自己嘅感情線。佢回憶當年拍攝事情話：「最深刻係陳法拉為咗救佢愛人，喺我面前裸露，雖然唔係真係睇到，不過感覺真係正！」

曾豪言娶佘詩曼 戴耀明認為自己唔負責任 最緊要啱feel

戴耀明回應當年公開稱要娶佘詩曼一事，佢認自己當年說話唔負責任。但佢亦強調阿佘係正，好多人都同佢一樣想娶阿佘。不過就補充話自己純粹得個講字，並冇實際行動，冇騷擾對方。佢話宜家依然渴望拍拖：「我都渴望愛情呀！單身都兩、三年，一向都冇乜嘢要求，最重要啱feel！」

https://youtu.be/yl1JWdEafxU