何超盈超奢華過大禮清單一覽 網民：勁過皇室婚禮！

撰文：W 圖片：微博

何超盈超奢華過大禮

過大禮嘅禮物真係非常豪華，除咗有名貴鮑參翅肚，仲有八對份量十足嘅龍鳳鈪、幾對金頸鏈，仲有大量鑽石飾物。

超盈陀B唔方便跪低斟茶，所以一對準新人站著斟茶畀四太飲茶，四太呵叮囑超盈：「有自己家庭，要豬仔一竇竇，你密密生，我密密湊。」希望女兒密密生，開枝散葉。

四太為超盈戴上一對最大龍鳳鈪上手，之後把7對龍鳳鈪串成一大串掛在愛女身上。超盈睇到眼濕濕，四太仲代表賭王派利是畀囡囡。

超盈穿傳統中國禮服又厚又重，十足劇集《武則天》所穿的龍袍一樣，身穿唐裝的猷君為家姐撥扇降溫，猷君也在IG留言：「嫁出去了,真的要嫁出去了！又不捨又為她高興！媽媽喝完那杯茶之後，你就是辛太了！以後要好好孝敬你的老爺奶奶，記得多回來看看我們，要身體健康！三年抱兩！兒孫滿堂！祝你和姐夫白頭到老，新婚快樂！」

嫁妝清單以超盈同奇隆名字作對聯，好有意思：「奇緣結成枝連理 隆蔭葉茂樂延年 超凡脫俗神仙侶
盈門喜氣福澤長」

過大禮清單如下：

鳳東上申 鑽冠成套 紫鑽手鈪 藍寶兩套 綠寶成套 情侶套錶 金鐲成對 花鏈成套 珠鏈成套 鑽飾六套 胸針六套 鑽戒五枚 耳環數對 銅盆成個

筷子兩對 子孫寶桶 餐具成套 惟巾賀囍 駿馬囍糖 五穀豐收 禮帽成頂 大衣成件 禮褲成條 禮鞋成雙 甜襪兩對 銀包成個 皮帶成條 龍鳳被鋪

囍枕成雙 千年發祿 大茶兩盤 蓮藕成對 姜葉成束 芙蓉開花 扁柏成束 柚葉成束 石榴成對 大吉兩對 青縷成束 花瓶一對 包羅萬有

才子陶傑都忍不住留言：「何鴻燊四太千金何超盈今日過大禮之慶，Crazy Rich Chinese 加中國富貴傳統，聘禮金銀珠寶睇到眼花眼盲！直頭好似日本皇室出嫁，新娘子何超盈接受弟弟溫馨撥扇，好Warm 呀！」

過大禮有舞獅

當日過大禮的儀式相當隆重，原來仲安排咗舞獅，唔知仲以為過年！

仲有一個三層高嘅結婚蛋糕！

賭王送豪宅

在過大禮其中嫁妝入邊有5億別墅，賭王同四太真係好錫個女。有指超盈的5億別墅，是四太於2016年購入位於山頂的聶歌信山的豪宅Mount Nicholson的相連單位，分別送給女兒何超盈、何超欣，每個單位約4000多呎，當時兩組單位，分別是9樓A及B室，及10樓A及B室，據知各以6.4億多元售出，作為給女兒學習投資之用！

莊思明、莊思華同莊思敏三姊妹都有去過大禮，仲同四太合照！