何廣沛入行六年辛酸史 試過一日三餐捱麵包
上位睇落順風順水，其實30歲何廣沛捱過唔少辛酸，當年遭父母 反對入行做藝員，被父母經濟封鎖，因收入有限一日 三餐捱麵包，最慘係做足兩年大茄，才終於有機會孭 飛拍重頭劇《女人俱樂部》，又因經驗不足狂NG被導 演鬧爆，拍劇吃盡苦頭，捱足六年今日終於吐氣揚 眉，最有前途上位小生路，其實得來不易！
撰文：東方新地｜圖片：新傳媒圖片｜編輯：乖乖l（原文刊於東方新地）
何廣沛入行六年辛酸史 試過一日三餐捱麵包
近日晚晚在無綫台慶劇《跳躍生命線》見到佢救人，演新紮正直消防 救護員入型入格的何廣沛，雖然外表童顏，但其實今年8月已過30歲，在無綫捱足六年先捱到今次做男二。
雖然父母反對入行做藝員，但何廣沛是孝順仔，一直同家人同住鰂魚涌，日前不用開 工，亦爭取時間陪媽咪家姐食飯行街。
人氣男神
何廣沛入行六年，近日在新劇《跳躍生命線》擔演男二，因為角色形象正直討好成功入屋，連同劇男一馬德鐘，都話睇好佢入圍候選今屆台慶 「最佳男主 角」，睇嚟何廣沛除咗人氣勁，人緣一樣唔差！
父母反對入行經濟封鎖
同劇中主角傑仔（何廣沛飾）一樣性格堅毅充滿理想，何廣沛學業成績彪炳，初中就讀赤柱聖士提反書院，中三隨家人移居美國三藩市，在 加州州立大學會計系畢業，父母一心想他當會計師，他卻違抗父命去投 考藝員訓練班。據知情者透露：「Matthew（何廣沛）係會計系學士， 父母梗係想個仔做會計師啦！但佢冇興趣，反而鍾意做戲，畢 業仲走咗去考藝訓班，父母覺得呢行好講際遇，收入又唔穩 定，一路反對佢做藝員，阿爸仲講明佢揀得做呢份工，以後 都要靠自己，唔可以好似讀書時咁下下問屋企攞錢！」
自從上年事業起飛，何廣沛已經不用再餐餐捱麵包，日 前陪阿媽家姐到銅鑼灣利園食晏。放假做乖仔，何廣沛陪完阿媽食飯再去行街。
何廣沛家姐這日穿露腰裝配牛仔熱褲大騷長腿，如果母親唔同行，分 分鐘被誤會係女朋友。
同家姐一樣好好傾，兩姊弟感情相當好。
入行初期，何廣沛向父母承諾，五年若冇成績就會轉 行，今日終於捱出頭，何媽媽當然安慰，陪阿仔食晏全程笑唔停。
被家人經濟封鎖，性格硬頸的何廣沛卻堅持追求理想， 不到黃河心不息，就算餐餐捱麵包亦要做演員，希望有朝一 日達成心願做到男一。據知情者透露：「為咗做自己鍾意嘅工 作，Matthew一路咬緊牙關，做新人收入少惟有乜都慳住使，又唔想 開口問屋企攞，冇錢捱麵包就一餐，試過一日三餐都係食麵包，見到鍾 意嘅嘢都唔敢買！」
何廣沛同媽咪家姐一齊行去停車場 攞車，更負責揸車做司機。
上年終於賺到錢買車，何廣沛坦言下個目標係買樓報答父母！
由閒角做起
何廣沛頭兩年一直做閒角，大部分時間做大茄，死屍、路人、文 員、記者等冇對白角色，苦等冇機會都曾經洩氣，因為知道父母擔心自 己前途，更向家人承諾如果五年都冇成績就轉行。據知情者透露：「父母點會唔緊張仔女？Matthew爹哋媽咪怕佢浪費光陰冇前途，成日勸佢轉 行，但見個仔無論捱得幾辛苦都仲好有心做戲，慢慢都開始讓步，有時 知佢唔夠錢使，仲堅持唔同屋企講，成日捱麵包當一餐，都會主動幫佢，好多時專登陪佢出街食飯買嘢，主動幫佢埋單，等個仔唔好咁大壓 力！」
同蕭正楠、曹永廉拍 《超時空男臣》演穿越時 空的稚氣小太監小冬， 與劇中二小姐朱晨麗成 網民熱捧一對。
網民熱捧一對
拍《超時空男臣》被指同朱晨麗撻 著，不過，兩人只認好朋友關係，更不避嫌經常拍住出活動，感情疑幻似真。
上年《萬千星輝頒獎典禮》，何廣沛 同曹永廉及蕭正楠一齊攞「最受歡迎電視拍檔」獎。
有前輩教路 2014年何廣沛事業終於有轉機，被當年他在藝訓班的導師鄭 丹瑞以及前輩吳啟華欽點，第一次有機會孭重戲，拍攝劇集《女 人俱樂部》做年輕版吳啟華，不過第一次拍重頭劇，一直做閒角 冇乜演出經驗的他，一開始就不停碰釘。據何廣沛好友透 露：「嗰時佢仲細，根本唔知天高地厚，接到劇本已經好開 心，以為背熟晒就一定掂，點知入到廠又係另一回事，不停出錯 係咁NG，幾乎日日都畀導演鬧爆，有段時間佢都好唔開心，但 佢性格執著，覺得人哋做到自己唔會做唔到，又肯虛心問人，好 多前輩都肯教佢！捱咗一段時間，已經捉到晒路！」
訓練班畢業後，做了兩年大茄的何廣沛，拍 第一部無綫重頭劇《女人俱樂部》，同時獲訓 練班導師阿旦及同劇主角之一吳啟華欽點演出。
苦盡甘來，上年何廣沛事業成功起飛，連拍兩套劇《親親我 好媽》及《超時空男臣》開始廣為人識，近日一套《跳躍生命線》更 成功爆紅入晒屋。爆騷收入增加，上年終於可以畀家用屋企，據 知情者透露：「捱咗咁多年，佢都係上年做完《超時空男臣》開始 紅，多咗接外邊工作，先第一次畀到家用屋企！佢依家最大心 願，係希望可以儲到錢買樓，等屋企人唔使再為佢將來擔心！」 被網民睇好成為今年《萬千星輝頒獎典禮》「飛躍進步男藝 人」大熱，何廣沛拍《跳躍生命線》跳埋入直路，今年還有四套劇 未播，當紮男神仲有排紅！
做新人收入有限，被父母經濟封鎖的何廣沛，入行 後出入都坐巴士，直至上年做完《超時空男臣》，才 賺到錢買車。
導演鬧爆
經驗淺孭重戲，何廣沛一拍就出事，因經常出錯NG被導演鬧爆，有指鬧得佢最甘嘅，係出名要求高的導演陳維冠。
六年捱出頭
新紮小鮮肉何廣沛，12年考入第26期無綫藝員訓練班，眨吓眼已經入行6年！
14年獲得阿旦（鄭丹瑞）欽點，拍攝重 頭劇《女人俱樂部》，劇中做年輕版吳啟華。
做大茄
完《女人俱樂部》，何廣沛繼續做閒 角，在《巾幗梟雄之諜血長天》，就做 其中一名游擊隊員。
受注目
16年《律政強人》演方中信徒弟，戲份開始多。
入屋上位
上年連拍兩套劇《親親我好媽》及 《超時空男臣》，演出被讚成功入屋！
