何婉盈簽約無綫復出？！唱歌之外仲識動物傳心術！

何婉盈參加《1991年香港小姐競選》後入行，雖然不入三甲，但加入無綫電視後亦被力捧，主持、拍劇及歌手等工作都曾參與。可惜入行不夠6年就淡出幕前，最為人所知的感情事為與魏駿傑拍拖。現年49歲的何婉盈是一名單親媽媽，曾於一間證券行擔任投資工作，更學識動物傳心術，近日決定重返幕前，簽約無綫電視！

原文: Sunday Kiss｜圖片：香港故事-璀璨之後截圖、何婉盈微博｜編輯：B | 原文刊於：東方新地

何婉盈重返幕前簽約無綫電視

何嫁盈落選港姐後入行，入行後有不少工作機會，但發展數年後就淡出娛樂圈。近年開始重返幕前，以參與TVB節目《流行經典50年》最為人熟知。何婉盈於2007年做了單親媽媽，育有一女。雖然做單親媽媽好有壓力，但何婉盈就表示自己及囡囡的爸爸在囡囡面前，都不會講對方半句壞話，要囡囡尊重父母。

何婉盈曾與魏駿傑相戀當年分手被男方辱罵

何婉盈最為人熟知的一段戀情為與魏駿傑拍拖，二人相戀3年後分手收場。當年魏駿傑分手後曾接受訪問，當眾辱罵何婉盈，男方更激動地指二人拍拖3年未有任何性行為，分手場面非常難堪。近日何婉盈受訪指，認同當年公開這段戀情，對自己歌手形有負面影響。

早前何婉盈擔任《流行經典50年》嘉賓，相隔12年再同拍檔曾航生合唱，獻唱〈再見亦是朋友〉及〈愛上你是我一生的錯〉，網民高呼把聲同個樣都Keep得好好啊！

何婉盈應承爸爸要讀返學位淡出後考入香港大學

日前，何婉盈相隔12年再同拍檔曾航生合唱《再見亦是朋友》，何婉盈九十年代活躍於娛樂圈，入行唔夠6年就淡出幕前。除咗因為自覺演藝發展有啲停滯不前，並且因為承諾咗爸爸要攞返個大學學位。何婉盈放棄璀璨嘅演藝人生活之後重新考進大學，依家喺一間證券行擔任投資工作。雖然已經淡出幕前多年，但係何婉盈仲對唱歌熱情不減。

何婉盈為單親媽媽：唔會係囡囡面前講爸爸壞話

何婉盈於2014年披露佢喺07年已經當上單親媽媽，囡囡而家已經10歲大。何婉盈透露當時係意外懷孕，未有結婚打算，諗住生咗BB先至再考慮結婚嘅問題。但BB出世之後問題仲係未解決，何婉盈同BB個爸爸唯有和平分手，到依家仍然維持良好關係。何婉盈上年係專訪節目入面就話，雖然佢身為單親媽媽，但係佢同囡囡生父都唔會喺囡囡面前講對方半句壞話，要囡囡學識尊重父母。