亞洲星光大道 古淖文陳蕾帶隊15週年Re-U 羅力威激罕現身網民盼復出
廣告
亞視選秀節目《亞洲星光大道》自2009年7月19日首播,至今已經過去15年時間。當年的「星光一班」如陳蕾、羅力威、古淖文、譚杏藍等,近日就齊齊Re-U慶祝節目開播15年。當中最令人關注的莫過於當年的冠軍羅力威都激罕現身,令唔少《亞洲星光大道》的fans都十分驚喜,仲紛紛期待羅力威可以參加《中年好聲音3》復出!
亞洲星光大道 星光一班拉大隊紅館撐陳蕾
雖然節目已經播出15年,但係「星光一班」的成員們就friend足咁多年!陳蕾今年3月在紅館舉行首次個人演唱會時,當年的一眾戰友亦有齊齊現身紅館撐場 。而昨晚的聚會中,除咗有一班當年的參賽者外,評判肥媽、張佳添、周國豐及Walter Ma等均有現身,而肥媽仲化身大廚,親自為大家炮製美食,十足十大家長咁!
![亞洲星光大道 「星光一班」的成員們今年3月時仲拉大隊齊齊現身紅館,力撐首次個人於紅館開演唱會的戰友陳蕾。(圖片來源:IG@germankucheukman)](https://imgs.orientalsunday.hk/wp-content/uploads/2024/07/image-8220334_7277904876698a3da03061-1024x577.jpeg)
亞洲星光大道 羅力威激罕現身超驚喜
難得大家都抽空現身慶祝《亞洲星光大道》播出15年,當然唔少得「冠軍王」羅力威的身影。羅力威當日以樸素的裝扮現身,雖然戴眼鏡又冇set頭,但係依然睇得出同當年的分別不大!唔少網民睇見羅力威激罕現身都十分驚喜:「記得,羅力威係冠軍,佢會吾會考慮參加中3(中年好聲音3)呀」、「羅力威唱歌好聽,你叫佢參加中三啦」羅力威亦被問及幾時出新歌,而周國豐更代為回覆:「聽講,就快」
![亞洲星光大道 而冠軍羅力威亦激罕現身聚會。(圖片來源:Facebook@Brian Chow Chow)](https://imgs.orientalsunday.hk/wp-content/uploads/2024/07/-2024-07-18-12.49.03_5098258706698c2c332a66-883x1024.png)
亞洲星光大道 古淖文發文嘆「回憶殺」
《中年好聲音2》的冠軍古淖文同為《亞洲星光大道》的參賽者,當時更被稱為「星光混血兒」,最後因其台風獨特而獲得「最佳台風獎」,可惜就與三甲無緣,只奪得第5名。古淖文現身聚會後亦在社交平台感性發文,除了重提自己的音樂之路外,亦感謝節目令佢識到一班好友:「當中的過程最開心莫過於認識到一班很有愛的前輩們,同一班志同道合的同學仔」、「感謝你們在我生命中出現,希望日後我們多多相聚,開心地繼續想當年!」
![亞洲星光大道 最近人氣十分旺的古淖文亦有現身聚會。(圖片來源:IG@claytonmusic88)](https://imgs.orientalsunday.hk/wp-content/uploads/2024/07/image-9892207_11003700716698c74b7578b-819x1024.jpeg)
撰文:東方新地圖片來源:IG@germankucheukman、Facebook@Brian Chow Chow、IG@claytonmusic88、《亞洲星光大道》截圖資料或影片來源:原文刊於東方新地