七公主|黃翠如被指壓力爆煲 社交網突講「再見」兼關閉留言功能惹網友擔心
文:東方新地|圖:黃翠如IG|編輯:HM(原文刊於:東方新地)
近來黃翠如孖《七公主》演員頻頻為劇集宣傳,去年拍攝該劇時,黃翠如指因為有大量法庭戲、對白難又長,被指壓力大而令體重下降,日前黃翠如親自解畫,原來是她刻意減掉十多磅,因為想「整個人有一種刻薄的感覺」﹗
![黃翠如在新劇《七金主》演一名律師﹗(圖片來源:黃翠如IG)](https://imgs.orientalsunday.hk/wp-content/uploads/2021/08/ad7d26f3-4426-4d32-81aa-0c90e868e74a_31884972861221763e2436.jpeg)
黃翠如指減去十多磅為的是「也是這帶一點病態的態重,給顧靈珊一種瀕臨邊緣的體重,享受踩鋼線上的孤風,也沒有向下的退路,命運,早已為她選擇好,諷刺的人生,發生在她身上,同時也發生很多人的身上」,黃翠如為了角色付出百二分努力,可惜演技仍被網民負評﹗
![(圖片來源:黃翠如IG)](https://imgs.orientalsunday.hk/wp-content/uploads/2021/08/89670b7b-ec08-4db0-82e7-c55a29989fca_17500695346122183cdcda6.jpeg)
今日(22日)黃翠如發了一張手拿住小葉子的照片,只留下「再見」二字,並關閉留言功能,而對上一個 post是8月14日的暗黑風景照,原來同樣關閉了留言功能﹗網民指翠如老公蕭正楠正在內地開工,擔心她沒人照顧,憂心她是因受不了工作壓力﹗
![忽然在IG講再見﹗(圖片來源:黃翠如IG)](https://imgs.orientalsunday.hk/wp-content/uploads/2021/08/495fb1aa-8c27-4a35-86ab-e8de218a6016_197787936612217a392e79.jpeg)
黃翠如驚變木偶鼻 自認「虎鼻」有福氣絕不改動
今年將踏入40歲的黃翠如,近年經常被指「愈大愈靚女」,去年黃翠如她在IG貼出16歲時穿著格仔衫與現在的她做對比,即時引起網民熱烈討論,有人留言大讚她冇變過,不過,有讚當然亦有彈,也有人留言質疑翠如個鼻高咗,當時人更有回應﹗
![(圖片來源:黃翠如IG)](https://imgs.orientalsunday.hk/wp-content/uploads/2021/08/5652c4a6-fd36-436d-8195-08d45e5c628c_324159375612218726a21c.jpeg)
黃翠如孖老公蕭正楠舉「呢個手勢」力挺自己有毅力
年近40的黃翠如早前為了強身健體,連續多日清晨起身跑步練氣,為了宣示自己的堅持,黃翠如在持續練跑的第4天在IG發布影片,喘住氣舉起手勢,夾埋旁邊的老公蕭正楠公布成積:
「今日係第四日,06起身,跑5k幾。」
早前有報導指黃翠如驚變「木偶鼻」,搞到翠如出席新劇宣傳活動都要急急澄清,強調自己天生「虎鼻」有福氣,絕冇後天加工,仲話千祈唔好屈佢咁話!不過現場所見,翠如蘋果肌飽滿,鼻樑高而畢直,愈大愈靚能夠得天獨厚,大家唔羡慕得咁多嘞!
![驚變木偶鼻? 黃翠如否認整容自誇天生「虎鼻」有福氣](https://imgs.orientalsunday.hk/wp-content/uploads/2020/06/img_7297_95042025ef47e5271c22-1024x999.jpg)
兩輯《使徒行者》黃翠如面容比拼
去年《使徒行者3》播出,黃翠如的戲份不少,還涉及2009 – 2019年間的轉變,有網民將兩輯「鄭淑梅」的面相做比拼,角色的氣質同演繹的確係唔同咗:
![使徒行者3黃翠如](https://imgs.orientalsunday.hk/wp-content/uploads/2020/10/wsypriscillaedwinpriswin_121704486_668332770777653_1598650071137594445_n_15620067995f8e807b19976-1024x723.png)
黃翠如表示不想拖閨蜜唐詩詠落水
黃翠如、連詩雅(Shiga)、陳自瑤(YoYo)、黃嘉樂及蘇皓兒(Chloe)等,之前出席新劇《那些我愛過的人》的宣傳活動,對於被指與唐詩詠面貌同時進化,更指黃翠如驚變「木偶鼻」,她便強烈否認有動過手腳,更表明不想拖閨蜜唐詩詠落水。
![驚變木偶鼻? 黃翠如否認整容自誇天生「虎鼻」有福氣](https://imgs.orientalsunday.hk/wp-content/uploads/2020/06/18bf535b4e1732f8ae0387a4d594ba16_3233699185ef47e5df2ca5.jpg)
強調從來不是行鬥靚路線
翠如受訪時強調,自己從來不是行鬥靚路線,大家可以重溫以前有線節目:「媽咪由細到大都讚我『虎鼻』有福氣,我100%冇心虛答你哋,一定唔會郁我個鼻,唔好屈我!」
![驚變木偶鼻? 黃翠如否認整容自誇天生「虎鼻」有福氣](https://imgs.orientalsunday.hk/wp-content/uploads/2020/06/7fd64edb2af7b82686483d633a18dcc6_15170420465ef47e58b0f07.jpg)
其他地方老咗我唔敢包
但當被問到會唔會整其他地方時,翠如就好老實咁話:「其他地方老咗我唔敢包,哈哈!」澄清一輪之後,翠如就表示未有因報道嬲怒,皆因自己在負面新聞中長大喎!仲話當幫劇集宣傳。
![驚變木偶鼻? 黃翠如否認整容自誇天生「虎鼻」有福氣](https://imgs.orientalsunday.hk/wp-content/uploads/2020/06/img_7298_8147367285ef47e5469e23.jpg)
夫妻齊齊重手執靚吸客臉形五官再進化
之前,黃翠如同老公蕭正楠合體出席超市活動,被眼利網民發現 夫妻同時臉形五官再進化,逆齡生長容光煥發!本身係女神 BB的翠如,更是蘋果肌激凸,鼻樑筆挺兼驚見蝦餃下巴, BB女神變鬼妹女神,身旁蕭正楠亦回春有法,昔日闊面形緊緻提 升,由老蕭變嫩蕭,婦靚夫隨,夫妻齊齊重手執靚吸客!
![14年拍《師奶Madam》擦出愛火,不過當時兩人塊面都有肉 地,笑起來雙眼有自然的表情紋,人愈大反而全消。](https://imgs.orientalsunday.hk/wp-content/uploads/2019/11/nhv4dxh3MJN7gxp/aa6_1143a_catc_p20_22_11882917515dd54faf4e185-683x1024.jpg)
翠如驚見木偶鼻 BB進化女神5.0
年前度過生日的黃翠如,在阿Bob(林盛斌)的九龍塘寓所搞party, 同大班朋友一齊慶祝,連過氣情侶唐詩詠、洪永城亦激罕同場,加埋馬國明鐵 三角非常耀眼,不過點搶都唔及逆齡再進化的壽星女翠如搶眼,當翠如拉隊同 好友們吹蠟燭時,就輪廓鮮明五官精緻,似足鬼妹仔,在眾星之中特別有光芒,非常吸睛。
![女神吹蠟燭時,五官輪廓分明非常搶 眼, 38 歲比以前更索!](https://imgs.orientalsunday.hk/wp-content/uploads/2019/11/nhv4dxh3MJN7gxp/bb4_1143a_catc_p20_22_16450344085dd550562a42d-962x1024.jpg)
之前夫妻檔孖住出席超市活動,兩人緊緻臉容令人眼前一 亮,瞬間成為焦點,翠如靚樣加倍突出,蘋果肌變激凸,更多埋個蝦餃下巴,連鼻樑亦升高,不過,翠蕭重手執靚 樣,好快便引起網民熱烈討論,甚至有網民覺得翠如側面個鼻好突出,似足之前被指有木偶鼻的楊怡!
![2 年由有線轉投無綫旗下開始受重用,黃翠如同洪永城拍檔做旅 遊節目,當時向來纖瘦的翠如仍然有啲包包面。](https://imgs.orientalsunday.hk/wp-content/uploads/2019/11/nhv4dxh3MJN7gxp/x3_1143a_catc_p20_22_17494994865dd550a21c2c1.jpg)
蕭正楠返老還童 齊齊變靚吸金
老婆愈變愈索, 蕭正楠當然要跟住學,夫妻同心其利斷金,兩人在逆市成為廣告客戶搶手貨,除咗單拖演出及拍廣告,合體賺錢工作亦愈來愈多。
![拍《公公出宮》時仲係闊面的蕭正楠。](https://imgs.orientalsunday.hk/wp-content/uploads/2019/11/nhv4dxh3MJN7gxp/y1_1143a_catc_p20_22_9657812655dd5516281f60-682x1024.jpg)
知情者爆料指:「其實阿蕭同翠如從來都唔介意一齊做嘢搵錢,結婚之後,就更加啱價就接,咁夫妻檔市場層面好闊,佢哋真係多咗好多嘢做,為咗令客戶滿意,佢哋都好落力執靚樣吸客,唔敢再求求其其,以前阿蕭唔著重打扮,牛記笠記好隨便就出街,但家陣要保住形象,翠如都捉埋老公一齊扮靚!都見阿蕭成個後生晒!」 蕭生蕭太咁有市場,當然緊張執靚樣把握時機賺定多啲奶粉錢啦!夫妻回春有法,生B應該冇難度!
![由於形象健康正氣,翠蕭婚後更受歡迎,已經坐穩成為無綫首席賺錢夫妻檔。](https://imgs.orientalsunday.hk/wp-content/uploads/2019/11/nhv4dxh3MJN7gxp/aa1_1143a_catc_p20_22_10120225275dd551fb90853.jpg)