「見字飲水」註冊後發人深省 TVB註冊「CCTVB」「SayNo4TVB」商標網民：TVB終於承認！

揭發潮語「見字飲水」專頁註冊商標後，受網民怒轟，認為是「版權界的大種乞衣」，網民紛紛將其改名為「見字掠水」。有見及此，不少網友開始查閱唔同字詞註冊嘅情況，竟發現TVB註冊「CCTVB」「SayNo4TVB」2個商標！背後原因係想學「見字飲水」一齊玩掠水？定係咩？陳志雲喺佢youtube channel講解。

CCTVB 見字飲水 — （圖片來源：Facebook@見字飲水協會 See this and Drink water Association）

CCTVB 閉環式曾志偉據知無綫近日已搜購了大量檢測包及防疫物資。 — （圖片來源：新地媒體資料庫）

「CCTVB」「sayno4tvb」被TVB註冊！

早前潮語「見字飲水」專頁被爆出2年前註冊商標，意思指如果要使用的話需要授權，該專頁也因此向過未受授的公司進行索償，令網民大為震驚，將對方改名做「見字掠水」！該page現今已被版主隱藏，但此事並沒有因此告一段落，不少網民開始查閱字詞的註冊情況，發現原來TVB的子公司「Zennora Group Limited」，對「CCTVB」、「sayno4tvb」字號進行註冊！「CCTVB」全名為「China Centralised Television Broadcasts」，起源於網民認為tvb報導新聞的手法與中國中央電視台相似而生成，而「sayno4tvb」係「思思TVB的二三事」page名嚟。

重溫「見字飲水」一事：網絡潮語「見字飲水」遭專頁註冊商標網民怒轟無恥版主反駁係自己原創

《思思TVB的二三事》係page表示當時創立「say no for tvb」時grammar用錯咗，但因為用得耐廢事改，就成為咗佢哋獨有的標誌，而今卻被tvb註冊。

網民對tvb此行為表示佢終於承認呢個名！

陳志雲分析此事：目的為咗禁聲！

陳志雲喺佢youtube channel《志雲頻道 stephenchannel》分析原來tvb早喺去年10月開始申請，認為唔係一時衝動既行為，亦唔係想用嚟推出產品，而係希望唔好再有人用呢個名，達到禁聲嘅效果！而家仲係雖然仲係註冊中，但睇嚟《思思TVB的二三事》走唔甩改名嘅命運，因為一旦tvb註冊成功，佢哋就有權追究該page！