《巨輪II》陳凱琳登場觀眾插演技浮誇

《巨輪II》負評王陳凱琳終於正式登場！飾演Nana嘅佢帶信(蕭正楠)及琳琳(劉思希)去選購食材，期間陳凱琳表情動作多多，觀眾睇完後插陳凱琳演技太浮誇！

資料來源：東方新地

陳凱琳成負評王

小編相信，《巨輪II》為塑造陳凱琳演嘅Nana係愛自由兼貝野性一面，所以就安排呢幕街邊除衫畫面！不過，感覺太突兀，而且陳凱琳骨杉杉身材冇乜睇頭！

除完衫後，陳凱琳再拎走紮頭髮橡筋，除了撥弄秀髮，仲誇張到向前揈鬆啲頭髮，頭部再向左側彎曲，咁誇張嘅解除束縛演繹方式，真係第一次見！

陳凱琳應承帶信同琳琳去選購食材，不過二人見佢表現癲癲喪喪咁，唔知係咪信得過！而陳凱琳就以唔同浮誇表情去安撫二人，最後嘅回眸一笑更有點嚇人！

陳凱琳身為嚮導，完全冇視信同琳琳感受，一支箭向前衝，好似趕住去投胎咁！之後琳琳指要回酒店，解決香港公司電腦系統問題，陳凱琳更怒睥對方，今時今日咁嘅服務態度，真係唔要得！

陳凱琳為幫好友出頭，帶埋信去搵賤男大城，搵到後一腳踢落對方下體！雖然出了一口氣，但大城班馬仔要追殺二人，陳凱琳同信梗係拖實走啦！而陳凱琳原本穿嘅黑色平底鞋，轉個畫面就已經變咗對露趾厚底鞋，唔通佢識變魔術！？

關鍵詞