黃翠如視像洪永城BB認契女 遭對方落閘:我考慮吓遲啲覆你﹗
黃翠如孖蕭正楠同洪永城一家三口FaceTime
由於疫情關係,大家見面和聚會減少,日前黃翠如和蕭正楠留家抗疫,同時跟洪永城、太太Inez及女兒Amber隔空facetime,黃翠如興奮留言:「Sweet moments❤️
我契女,棉花糖一樣,好想抱」,又貼出Amber見到蕭正楠時扁晒嘴,黃翠如留言「契女對契爺應該有D不滿」。
![黃翠如](https://imgs.orientalsunday.hk/wp-content/uploads/2022/02/5a2b868b-4d17-4858-8bed-64a3cf767c50_1689555249621c79d458fa8.jpeg)
洪永城太太梁諾妍Inez去年十二月誕下囡囡洪寶寶(Amber)。
洪永城落閘:我考慮吓遲啲覆你
黃翠如開心認契女,卻遭洪永城回覆:「 你點可以單方面宣布㗎,你有冇問過amber….😌😌😌😌 ,不過有你呢對契爺契媽都有着數嘅,我考慮吓遲啲覆你﹗」似乎未落實答應黃翠如做女契媽,呢句留言更火速吸過百like,搞到黃翠如無癮話:「你老婆話好呀﹗」
![黃翠如 洪永城的囡囡好可愛,黃翠如睇見佢心都甜,仲話好想抱吓BB﹗](https://imgs.orientalsunday.hk/wp-content/uploads/2022/02/154aff24-7688-4b10-a15e-36caa19701ee_1257710996621c7a110237b.jpeg)
其實早在去年7月洪永城在婚宴上公布太太有喜四個月,當黃翠如得知消息,曾興奮話同蕭正楠要做契爺契媽﹗不過其後黃翠如曾轉口風,話同洪永城有傾過上契問題,黃翠如笑指可能好多人爭住上契,所以等人爭完自己先作決定,似乎同洪永城未傾掂數﹗
![黃翠如 洪永城去年6月公布婚訊,7月舉行婚禮,黃翠如和蕭正楠開心到賀﹗](https://imgs.orientalsunday.hk/wp-content/uploads/2022/02/5b824a8e-23a5-4f14-b76d-f5ec4720cc9d_2033747758621c79eb6ddd1.jpeg)
重溫:黃翠如出矯情文賀洪永城結婚 網民指「唔理正印感受」、通宵隔空逐一回應
洪永城去年6月宣布結婚,曖昧多年的老拍檔黃翠如寫長文贈慶,卻變成葡萄味十足的矯情文,海量網民都認為黃翠如用詞不當,完全唔理洪永城正印Inez梁諾妍同佢老公蕭正楠的感受,不出一日已有過千留言狂插。黃翠如亦沉唔住氣,通宵逐一反擊,明明喜事一樁最後變「戰事」!
![黃翠如與洪永城由有線年代開始已被指是合襯的一對。](https://imgs.orientalsunday.hk/wp-content/uploads/2021/06/add103_51857585060c2ce0759896.jpg)
黃翠如長文數落洪永城送祝福
洪永城、黃翠如由有線拍檔做到去無綫,不時傳出緋聞,不過二人現在已各自找到幸福,洪永城公布婚訊,黃翠如感觸發長文祝福,訴說二人一起成長,曾感受到他原來也懂得照顧人,不過其後突然狂數落洪永城缺點,包括污糟、大男人、脾氣差等八大缺點,最後感激梁諾妍肯接收洪永城﹗呢個祝福認真特別﹗
![黃翠如 黃翠如曾在IG投訴洪永城用她的化妝品﹗](https://imgs.orientalsunday.hk/wp-content/uploads/2021/06/wongtsuiyu_126099372_150348380118875_3713982259675328818_n-1_161508782560c1ba7d41f9b-1024x851.jpg)
連環祝賀一對新人
黃翠如其後再在洪永城的喜訊post下留言:「當洪永城都會結婚,這個世界一定有美好的童話,我愛你們。」然後又在梁諾妍度留言:「都係嗰句,如果佢蝦你,話俾我知,我幫你搞掂佢﹗愛你們,所有的祝福。」黃翠如如此高調的舉動,卻引發一場網上抨擊,不少網民看完她寫給洪永城的長文,感覺到她酸溜溜句句有骨。
講到自己係大婆人哋係小三咁
黃翠如親身反擊
一場藝人與網民的隔空罵戰一觸即發,黃翠如面對網民的指責,認為她不應該用這種方式公開祝賀洪永城,這樣只會令新娘子Inez及蕭正楠更加尷尬。
![黃翠如與洪永城合作無間,被指戀人未滿,有網民更質疑他們是否曾拍拖。](https://imgs.orientalsunday.hk/wp-content/uploads/2021/06/mmm_2576_119070002460c2cdfdaaa80.jpg)
蕭正楠衝出來護妻
黃翠如堅持沒有問題,更罕有地幾乎逐一反駁,自黃翠如出POST後的廿小時,她都不停親身留言回應,話大家「諗多咗」、「可唔可以正面啲」等等,而老公蕭正楠與當事人洪永城亦有幫拖。
![見黃翠如被網民圍攻,洪永城亦出口調停。](https://imgs.orientalsunday.hk/wp-content/uploads/2021/06/mmm_2380_123053405560c2cdff809ff.jpg)
洪永城晒婚照宣布婚訊
洪永城貼出和女友梁諾妍行山的照片以公布喜訊,相中梁諾妍拿住小花束,而洪永城一臉興奮!洪永城出po留言指和梁諾妍由拍拖到現在展開人生新旅程「追到你是我的僥倖,娶到你是我的福氣」冧到爆﹗
![黃翠如 梁諾妍手上拿上小花束,洪永城一個興奮表情,相信是求婚成功時拍下﹗ 洪永城最近為拍劇而剷青。](https://imgs.orientalsunday.hk/wp-content/uploads/2021/03/guruhung_198387008_1203923570037670_7267576768892210014_n_24437766160c19239d20f0-876x1024.jpg)
由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛的Coco離世、到開工連晚安早晨都沒有機會同你講、到今日一齊攜手踏上我倆的新旅程
好在有你,緊握我手
我希望一世都有你在身旁追到你是我的僥倖,娶到你是我的福氣
Let’s get Married !
洪永城廁所求婚多蝦碌
梁諾妍回憶被求婚時過程,她透露洪永城在家中廁所求婚:「求婚過程係好好笑,好多蝦碌嘢發生,佢喺屋企個廁所度求婚,好係佢嘅 style,成個過程我係笑到喊,不過都好感動,有晚佢拍完嘢返屋企,就入咗廁所一陣出嚟,跟住到我人有三急入廁所,佢又跟住我入廁所,當我打開廁所門,原來佢喺廁所度佈置咗有一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心型卡,仲寫上MARRY ME?我好笑又感動,我問佢點解要喺洗手間求婚?佢話知道我一定要去,最好笑係佢拎隻戒指出嚟求婚時候,我話我真係好急,你等一等我去完廁所先,結果佢要等我辦完大事再求婚,我就Say Yes!」
同時間,梁諾妍亦在IG公布喜訊,回應洪永城的愛的宣言:「願餘生我們也一起笑住過﹗」公布喜訊後,圈中好友紛紛留逼祝賀,但洪永城前度唐詩詠未有祝福﹗
梁諾妍愛的宣言:
下半生手拖手
繼續一起跑下去
繼續跑去世界每個角落👫🏽感恩遇到你
常常帶給我歡樂
照顧我陪我通宵睇動漫睇網球比賽
工作上的互相扶持
願餘生我們也要一起笑住過!