體能之巔賽果疑造假!亞軍鄭海民哭訴爆製作組3大問題
體能之巔造假丨1.禹秦熔因音響問題要求暫停
係最後一關拉繩賽中,第一次停賽係因為禹秦熔中途突然向製作組表示輪軸唔順,想暫停比賽檢查,但事後未有發現問題。之後禹秦熔投訴輪軸聲音過大雜音全部入咪,最後製作單位替雙方輪子上潤滑油。到之後第三次中斷,係製作組音訊出問題而要求暫停。鄭海民表示當時自己嘅繩子比禹秦熔拉多3倍,「當時我已經就快無力,所以拒絕製作組建議重新比賽,佢哋話我拉得多對我有利,為咗公平會幫我剪走拉出黎嘅繩,對方都有同意。又話可以遷就我擇日再比賽,但當時有過百人係現場,我講唔出呢句。」
![體能之巔造假 體能之巔百人大挑戰 禹秦熔因音響問題要求暫停比賽!](https://imgs.nmplus.hk/wp-content/uploads/2023/02/51e3d04b-785d-44a6-9d87-f4c125289c41_132650799063fe2092d5102.jpg)
體能之巔造假丨2.究竟製作組有無剪無從得知
製作組整理好音響問題後繼續重新比賽,但當時究竟鄭海民嘅輪軸上嘅繩有無剪走到,連佢本人都話無從得知。原本領先對手禹秦熔嘅鄭海民,分分鐘變相由頭玩過。
![體能之巔造假 體能之巔百人大挑戰 鄭海民嘅輪軸上嘅繩有無剪走到,連佢本人都話無從得知](https://imgs.nmplus.hk/wp-content/uploads/2023/02/1677068486896297_140964249363fe20cbbe13c.png)
體能之巔造假丨3.製作組無完全公開完整片段
鄭海民表示當時重新比賽未知係設備問題定自己無力,繩子點拉都拉唔到嘅突發情況,製作組一幕都無播出感到好委屈,「當初接受製作組建議前,口口聲聲話可以幫我,但我同佢地講呢個情況竟然話參賽者唔可以干涉剪輯,我十分後悔決定。」佢強調唔係想拎冠軍同獎金,亦唔係要攻擊禹秦熔,「我只係想佢哋播出點解我輸嘅過程,一個美好嘅回憶,因爲作為運動員,比賽竟然略過所有過程只播出失敗片段,完全係無法接受。」
![體能之巔造假 體能之巔百人大挑戰 鄭海民表示只係想製作組播出點解會輸嘅過程。](https://imgs.nmplus.hk/wp-content/uploads/2023/02/nisi20230222_0001201479_web_136583380463fe2122ea071-576x1024.jpg)
《體能之巔:百人大挑戰》有哪些參賽者?
體能之巔有100位參賽者,各自都來自不同領域,有國家代表、奧運金牌選手、格鬥選手等。當中有10位大熱奪冠及人氣選手…詳情請看
《體能之巔:百人大挑戰》賽果疑造假?
近日韓國論壇就爆出節目製作組係總決賽嘅拉繩賽中,疑將賽果造假,Netflix亦立即已發官方聲明,否認並強調未有以不當手段操控賽果,其節目製作人日前(28日)在IG出po表示…詳情請看