馬田公開錄音6大點反擊文苑飯莊營運總監CK 881訪問(有片)
文苑飯莊營運總監反斥馬田:唔食嘢唔俾人招呼!
在爭議爆發後,文苑飯莊營運總監CK接受了商臺雷霆881節目《在晴朗的一天出發》的訪問,試圖以另一角度還原事件。CK表示他並不知道馬田是知名食評家,且馬田未有透露自己的身份。他進一步指出,馬田一行人隱藏在包廂中,並未點餐,卻設置了拍攝設備,又不讓侍應進去招呼等。CK表示所有食評家拍攝時都需自費,還特別強調涉事的2個FOODIE都是自費,即是「有啖好食 Perfect Continuous Eat」以及「點Cook Guide」,且餐廳對所有客人提供同等質量的食物,同時歡迎客人在不乾擾他人的情況下進行拍攝。
網民揭CK成日送點心俾主持人
此外,有網友在節目《在晴朗的一天出發》的Facebook專頁上發現了一張主持人享用點心的舊照片,並指出是CK送上的點心,照片中的外賣袋屬於文苑。由於主持人經常光顧文苑飯莊,這引起了網民對CK是否利用私人關係在媒體上解釋事件的質疑「晴朗電台dj不中立 原因長期飯店受惠客戶」。
![0](https://imgs.nmplus.hk/wp-content/uploads/2024/03/-2024-03-20-12.38.54_35181588265fa6afd04d01.jpg)
馬田6大點拍片反擊CK!
1.包廂問題:餐廳特色「十問九唔應」
馬田隨後發布了新的影片回應CK的指控,並剪輯了與餐廳的對話錄音,試圖還原當天的真實情況。馬田先展示了對話截圖,證明自己並非主動要求使用包廂,更展示出該餐廳特色「十問九唔應」。馬田解釋,當天他們預訂了四人座位,但由於自己遲到,所以一開始並未點餐。他還指出,餐廳並未告知用餐時間限制,也未提醒他們點餐。至於CK所提到的「設置拍攝設備」,馬田展示了當天使用的單反相機和桌面三腳架,以此反駁CK的說法。
![0](https://imgs.nmplus.hk/wp-content/uploads/2024/03/vs-youtube-881-239_125029189565fa68beb069b.jpg)
2. 文苑總監:一對老人家及後生仔,喺晚市時間好奇怪
文苑總監又表示當晚有侍應向他反映「一間房裡面唔畀伙記入去,閂門要㩒鐘入去,有一對後生仔女,一對老人家,又冇任何order,又冇任何指引畀我哋,原來知道係一個Foodie,我哋會擔心裡面唔知發生緊咩事」,指認為在晚市時間一對老人家及一對後生仔的組合十分奇怪!馬田就十分驚愕地直言,「我想知道呢個世界,有咩餐廳嘅晚市,係冇老人家同冇後生仔㗎?」
![0](https://imgs.nmplus.hk/wp-content/uploads/2024/03/vs-youtube-881-015_168991466365fa6ce66a40b.jpg)
3.文苑總監:冇任何order,擔心裡面唔知發生緊咩事
馬田解釋,當天他們預訂了四人座位,但由於自己遲到,所以一開始並未點餐。「你將4個人嘅訂枱放入VIP房,入面得3個人,邏輯會諗到啲咩?有人遲到囉,咪就係咁簡單,佢哋遲到未嗌嘢囉」,另外,他亦指餐廳未有提及有問題,如果有問題,可以先點能夠放久一點的菜。
4.文苑總監:佢哋閂晒門要侍應撳鐘先入得去
文苑總監指馬田4人在緊閉房門要他們按鈴才允許侍應進入,馬田公開錄音回應指是餐廳侍應關門,而且在按鈴後等待十多秒都沒有人,要馬田自己開門找人,他認為米芝蓮推介餐廳的服務不應如此。
5.文苑總監:Set晒相機腳架鏡頭影響到人
文苑總監在節目指出擔心馬田設定相機、腳架、鏡頭等會影響到其他食客,又說每一晚招呼的客人有150至180位,「地方非常之大有8000呎,客人嚟到餐廳所有嘢都係要顧及嘅,包括食物、服務、安全,所以呢一方面我哋會睇得仔細啲。」馬田在影片中展示出當日帶去文苑拍攝的器材,可見只有一部相機和一支小型腳架,似乎對安全問題沒有甚麼值得疑慮,馬田媽更提出質疑,「喺出面廳影就會影響到人,喺我間房影自己點會影響到人呢」。另外,馬田亦在新片中嘲諷當晚文苑根本只有幾枱客人,「嗰一日5枱客,現場所有人每人一人一張枱,佢都坐唔滿!」
6.文苑總監:無任歡迎拍嘢
文苑總監在節目中表示自己無任歡迎到餐廳拍攝享用美食,但在錄音中可以清晰聽到當時總監指,「唔可以畀你咁做,呢度係一個餐廳地方。」,在馬田欲介紹自己及說明拍片目的時,就打斷他的話句,隨後亦放下卡片就離去,十分不禮貌。
睇片:
網民:總監大話多到呢
這段影片發布後,不少網民認為原本已平息的事件因CK的回應再次引發關注,認為這是一場自導自演的公關災難,更力撐馬田「唔係誤會,根本總監有問題,身有shit,才咁大反應,才惡人先告狀」「笑到仆x,文苑幾時拎條cctv出嚟反駁呀」「總監大話多到呢」「點解個總監會覺得佢冇留底,大佬都話黎拍片」「阿總監入房果段野真係極之無禮貌,聽聲都feel 到果對死人白鴿眼,完全無放個客在眼內果種px」「懶人包: 文苑飯莊又貴又難食 營運總監仲要講大話惡意中傷馬田 結果一切有曬錄音有曬證據」「馬田本來做冇心做文苑,想比時間機會對方,點知對方小心眼,將挽救嘅機會一次又一次錯過。到顛倒是非黑白,馬田就忍唔住了」