《談判專家》票房破850萬 劉青雲及吳鎮宇本週末謝票
演員表現獲觀眾讚賞
《談判專家》的成功,除了得益於兩位影帝的精彩演出,還有眾多配角的出色表現。周文健和楊偉倫在片中的幽默演出,有效緩和了緊張的談判場面,而姜皓文、鄭則仕、苗僑偉組成的警察團隊則增添了許多緊張刺激的情節。「同青雲哥有一場落口供嘅戲,同埋另外一場喺臭格入邊佢逃走嘅戲,我都好深刻。另外對我嚟講,鎮宇哥係不嬲好Cool㗎嘛,喺現場就算拍戲都少傾偈,但係今次可以喺戲入邊,直頭兜口兜面對佢呼呼喝喝,過戲癮之餘自己都覺得好過癮。」
Michael與劉青雲的再度合作
Michael在片中飾演內部調查科警官李俊傑,與劉青雲飾演的卓文偉有多場精彩對手戲。「我本人最深刻嘅對白,就係我臨死之前嗌『媽咪』,因為現場啲觀眾笑得好開心!」Michael表示,與劉青雲的合作讓他感到非常舒服和安全,兩人多年的友誼和默契讓這次的合作顯得尤為特別。「31年前我哋一齊拍過《七月十四》,然之後我哋仲拍過鄭則仕先生監製嘅《運財童子》!佢個英文名亦都係我當時幫佢改嘅,Sean!所以咁多年後好似見返一個失去嘅老朋友咁,咁多年冇合作但係仍然有返我哋以前演戲嘅默契。同劉生做戲好有安全感好有信任,好舒服!我哋以前合作嘅電影都係有喜劇成分喺度,所以好自然呢一部唔多唔少都會有。青雲曾經同我講過,Michael你唔好以為你好笑,只不過見到你嘅忍笑嘅樣我先笑㗎咋!」