《Di-Dar音樂劇場》爆笑登場葛民輝與新舊演員聯手演繹
創作背後的故事
《Di-Dar》雖然表面上是一個恐怖故事，但其實是一部充滿笑料的劇場作品。梁祖堯作為編劇之一，分享了創作的靈感來源：「幾年前有人想我同阮韻珊（合作編劇）幫佢哋搞個舞台劇，我哋寫完大綱，跟住仲好快寫咗一個關於校園同埋中樂嘅鬼故，但後來計劃擱置。到上年，心血來潮覺得唔好嘥，故仔幾好，就重新構思過，用返條大橋去寫《Di-Dar》。」阮韻珊補充說：「《Di-Dar》係一個關於『活著』嘅故事，我哋成日話做人要無遺憾，但係做人有無可能真係無遺憾？我相信無可能，反而喺無常嘅世界入面，我哋要學習點樣帶住生命瑕疵生活落去。呢個係一個有鬼有人、要生要死、又喜又悲嘅故事。」
演員陣容與角色分配
《Di-Dar》的故事主要分為兩條線索，一條由梁祖堯、湯駿業AhDee及邵美君飾演的舊生，另一條則由何洛瑤Sica、鄧家傑Kakit和杜曦駿Larry飾演的學生。葛民輝在劇中扮演校長，而岑珈其則是串聯多個角色的關鍵人物。AhDee表示：「可以同阿葛一齊做Show，好夢幻，發夢都估唔到！因為我哋搵阿葛都係博一鋪，點知得到佢嘅回覆，仲約我哋見面，到而家成事，太不可思議。」葛民輝則笑言：「阿祖經朋友問我，話有個劇本角色啱我，想搵我傾。喺舞台現場演出係令我好興奮，而且聽講阿祖好鍾意食嘢，同佢哋排劇係唔會餓親仲會肥幾磅，聽落幾好，雖然故事未齊，但成件事令我好好奇，所以就答應了，但有啲後悔，而家加咁多場，去完葵青劇院再去演藝學院。」
演出中的幽默與挑戰
風車草的演員們在排練中經常發生爆肚情況，尤其是當阿葛這位搞笑高手加入後，加上岑珈其、Sica、Kakit等年輕有喜感的演員，阿祖更是在創作劇本時加入了大量笑料。阿葛坦言：「都驚排練玩到太熟絡就出事，而且風車草啲人壞壞地，佢哋喺自己啲Show都會爆肚，我真係怕台上會完全失控，完全返唔到嚟。」但阿祖笑言：「如果我哋俾你更瘋狂，你就會勒返住自己㗎喇！」
