關智斌香港演出獲粉絲熱烈支持現場忘詞卻展現專業

香港歌手關智斌（Kenny）近日於「香港結婚節暨夏日婚紗、美容化妝及秀身展2024」中擔任表演嘉賓，演唱了《總有一站愛上你》及《勇氣情歌》兩首熱門歌曲，吸引了過百名粉絲到場支持。Kenny剛於內地完成了六站的巡迴演唱會「關智斌時光機巡迴音樂會」，這次回到香港演出，他感到非常激動，並表示：「同埋見到好多fans 佢哋抱住自己個女、或者自己個仔過嚟，即係覺得有啲時間飛逝嘅感覺。」

粉絲即興助陣，Kenny重唱展專業

在演唱《勇氣情歌》期間，Kenny突然忘記了歌詞，幸好現場粉絲及時「補位」，大聲跟唱。Kenny感到有些尷尬，但他迅速決定重唱這首歌，以示對粉絲的尊重和感謝，他說：「其實首歌喺巡演時每一場都有唱，突然間back out咗，為咗回饋現場fans嘅支持，一定要重新好好地唱一次俾大家聽。」

粉絲準備應援物，Kenny感動

此外，粉絲們還準備了許多應援物品，如手繪畫作和精緻公仔，讓Kenny感到非常窩心。他對粉絲的細心和創意表示讚賞：「因為以前好少見到，譬如有時返屋企睇到佢哋俾我嘅禮物，全部係好有心機，譬如畫一啲畫，又整咗好多精品公仔同我差唔多樣，我真心覺得係好犀利！我嗰個年代冇乜好多呢啲嘢㗎嘛，同埋我巡演嘅時候，佢哋會安排好多嘢食，又有餐車，感受到而家原來啲偶像派歌手嘅待遇，多謝佢哋令我感受到我仲未有同呢個時代脫節。」