邱淑貞女兒沈月領銜盤點香港十大「最強星二代」

邱淑貞與瀋嘉偉大女沈月五官標緻，被指外貌與身型都有住邱淑貞後生時嘅影子，有「女神接班人」之稱，近年沈月開始接觸模特兒及廣告拍攝，成為國際品牌新一代寵兒，佢自己都曾表示幾享受呢類工作；早前佢又為爸爸旗下品牌到上海行騷，演繹最新秋冬系列作品，穿上露腰上衣搭配牛仔套裝嘅沈月身材纖瘦又有氣質，盡得媽媽邱淑貞優良基因，當日邱淑貞亦現身活動，並與沈月同框合照，逆齡靚樣不輸女兒，似足兩姐妹。其實，除咗沈月之外，唔少星二代都遺傳父母優良基因，甚或才華洋溢，一齊睇嚇圈中仲有邊啲最強星二代吧！

謝賢與狄波拉之子謝霆鋒的多棲發展

謝賢與狄波拉大仔謝霆鋒16歲出道時就備受矚目，當時佢因為堅持唔唱跳，希望玩樂隊而與所屬英皇娛樂公司爭執，幾乎無法出道，幸好佢嘅堅持成功令公司答應佢嘅要求，向搖滾之路出發。及後於樂壇及影壇作雙線發展，以18歲之齡憑電影《新古惑仔之少年激鬥篇》勇奪第18屆香港電影金像獎「最佳新演員」獎項；2011年亦憑《線人》奪得金像獎影帝。熱愛煮食嘅謝霆鋒更於2016年創立飲食品牌「鋒味」，推出鋒味月餅、曲奇、拌麵等產品，於演藝圈及個人副業方面成績有目共睹。

房祖名的起伏與復出

成龍兒子房祖名2005年擔任電影《早熟》男主角阿Joe，電影採「真人實境」方式拍攝，紀錄與薛凱琪飾演嘅Fiona之間嘅愛情，被指演技打動人心；2010年又與薛凱琪合作拍攝《分手說愛你》，除咗飾演男主角，仲獻唱電影主題曲《兩個人》。不過，房祖名於2014年爆出吸食大麻，被北京東城法院判處有期徒刑六個月及罰款2千元人民幣，事件令佢形象受到重創；房祖名於獲釋後召開記者會對其吸毒行為向公眾正式道歉，並指以後會做一個守法嘅人。

王菲與李亞鵬女兒李嫣的低調生活

王菲與前夫李亞鵬女兒李嫣從小受到外界關注，瑞士讀書嘅佢曾經於社交平台分享扮靚心得及日常留學生活照片，一度引來網民批評衒富及行為，包括比堅尼照捱轟太性感、染金髮等等，其後李嫣因為唔想被過度關注，而將社交帳號改成私人帳號，生活亦變得低調。上月底，李嫣迎來18歲生日，王菲溫馨吻賀女兒，網民紛紛指李嫣越大越漂亮，盡得媽媽星味真傳。