電競女神「港版明日花」Rose Ma馬俊怡瑞士之旅爆兩次不愉快經歷
Rose Ma機場遇冷漠對待：我真係嬲到黐線
Rose Ma在瑞士的最後一天，於機場遇到了令人不快的對待。她回憶道：「短短喺瑞士幾日已經受盡歧視，最後一日，去到機場啲Counter職員因為用法式英文，我聽得唔清楚，問可唔可以講多一次，佢串到話我講10次你都唔會明，所以算啦，我話可唔可以指一指方向，佢就話我係到做嘢唔係嚟指導你，我忍唔住問點解你要咁樣對我，我真係嬲到黐線（Ps：我發誓我係超級有禮貌，雖然接觸嘅大部分瑞士人都戴有色眼鏡，但都仲有少部份人好有禮貌的，起碼入Lounge啲人唔會咁嘅態度）」。
網友共鳴經歷 餐廳經理態度惡劣
在Rose Ma的瑞士之旅中，不僅是機場遇到了不友善的對待，連在餐廳的經歷也讓她感到無奈。她描述了在一間餐廳的遭遇：「原來咁多人都係瑞士受過歧視，喺依幾日行程入面，入到其中一間餐廳，正正常常坐低咗之後，已經Feel到個經理眼神超級不友善，然後行過嚟「啪」一聲擺低餐牌，等咗15分鐘特登唔過嚟幫我哋落單」。這段經歷不僅讓馬俊怡感到不被尊重，也引起了不少網友的共鳴，他們紛紛表示在瑞士有過類似的不愉快經歷。
有網民反駁：瑞士人純粹係唔熱情
Rose Ma的分享迅速在網上引起了熱烈的討論，許多網友紛紛表示他們也有過類似的經歷，對她表示同情和支持。但亦有網民反駁瑞士人是不會當面x你：「瑞士人純粹係唔熱情，唔會冇禮貌」、「只要講吓德文或者本身英文好就無乜問題」、「平時香港人都成日笑啲人講廣東話唔正」「去瑞士旅行未比人歧視過」「成日去Zurich機場，無咁嘅問題」「瑞士人好識扮有禮貌，最多你話佢哋假，一定唔會當口當面x人囉，上咗年紀嗰啲就算歧視你都係口噏噏自言自語嗰隻」「瑞士人好helpful喎」「去咁多次都未試過」等。
Rose Ma 撞樣神級女優明日花綺羅
Rose Ma曾因為Cosplay春麗而在Twitter成為網絡紅人，2013年參選大專校花校草選舉入行，曾推出過寫真集，亦做過動漫節Game Girl，被封為「電競女神」，並因同日本神級AV女優明日花綺羅撞樣，而有「港版明日花」之稱，不過Rose Ma就謙稱身材唔及明日花，又大讚對方五官精緻好靚女。
