陳葦璇簽環球倒戈TVB目標開演唱會 網民篤爆:想學曾比特啫﹗
陳葦璇倒戈亮相TVB唔尷尬 預告表演跳唱串燒歌
陳葦璇忽然現身無綫記者會,被傳媒追問孭住《全民造星3》 亞軍得主可會感到尷尬?陳葦璇話唔尷尬,表示一直希望在不同平台演唱自己作品,剛加盟環球唱片,將亮相TVB,會在《仁愛堂》與施匡翹和黃奕斌等歌手表演跳唱串燒歌﹗被問到對於外界不同聲音,會否壓力大增?陳葦璇話會有機會上ViuTV宣傳歌曲,但壓力只限於唱歌方面,仲自爆錄新歌《一個傻瓜一個啞》破晒紀錄錄咗80個鐘,所以希望大家會繼續支持﹗
![陳葦璇 陳葦璇出席《仁愛堂》記者會後出post並寫道「人生每分每秒都都有唔同既抉擇每次我都會問自己最終的目標是什麼?我快樂嗎?在困境中能成長嗎?在工作中能找到樂趣嗎?最近在音樂上感受到更多不同的東西每天也在學習中雖然身體有點疲倦但內心感到幸福也更感受到人與人之間的連結」](https://imgs.nmplus.hk/wp-content/uploads/2022/08/b1c1fa28-f34b-4755-83ca-aa9e802155a2_146182366462fb139e0a94e.jpeg)
陳葦璇唔怕變「關嘉敏第二」:我個case唔同佢﹗
同陳葦璇同為《全民造星3》 的關嘉敏同為女團出身,因為參加《造星3》彈起,其後簽約邵氏拍無綫劇,被指反骨兼被網民狙擊﹗而陳葦璇就話唔怕成為「關嘉敏第二」被鬧反骨,因為啲fans好支持自己去不同音樂平台喎﹗仲話自己個case有別於關嘉敏,陳葦璇指只係想專注音樂,目標是出多啲歌,終極目標是開個人演唱會,因為參加《造星》時因為疫情沒有現場觀眾,所以佢好想有現場坐滿觀眾嘅感覺﹗
![陳葦璇 關嘉敏指簽約邵氏決定是經理人公司決定,並強調ViuTV根本沒有跟她簽約,被指倒戈且在社交網標註《全民造星》,令粉絲失望脫粉,更被網民狙擊﹗(圖片來源IG@carcar.carman)](https://imgs.nmplus.hk/wp-content/uploads/2022/08/-2022-08-16-11.59.50_65091096162fb166059e46.png)
網民:搏返大陸好似曾比特咁﹗
雖然陳葦璇話唔怕成為「關嘉敏第二」,但亮相大台記者會已引起網民討論,指她「變節」,更有不少網民猜測她其實想參加《聲生不息》節目,「佢想好似曾比特咁喺大陸爆紅」、「大台係踏腳石啫,睇住曾比特上一個節目就紅咗,仲怕乜外界壓力呀?」、「借TVB做跳板啫,終極北上搵食」、「搏返大陸好似曾比特咁﹗」、「如果一個唔小心好似曾比特咁,日日數銀紙,使乜怕你香港粉絲離棄?」等﹗
![陳葦璇 《全民造星2》 十強的曾比特因參加《聲生不息》在內地爆紅,留在內地超過半年搵人仔﹗](https://imgs.nmplus.hk/wp-content/uploads/2022/08/edabb59d-35af-4cfc-91b6-599c0ab63a0e_124948918662fb18b29caeb.jpeg)
網民支持過檔大台:去《愛回家》扮Anson Lo﹗
亦有不少網民指陳葦璇冇觀眾緣,去邊個台都唔會紅,「其實Viu比好多機會佢,又有好多主持機會,佢咁都冇彈起真係另類﹗」、「連ViuTV力捧都捧唔紅,真係佢嘅問題﹗」、「身材幾好,但個樣唔掂」、「可以去《愛回家》扮Anson Lo分分鐘紅過蔥頭」、「去邊都好啦,練好啲歌先,慢歌handle唔到,佢自己都話錄咗八十個鐘」、「老老實實,佢唱咗七年,完全冇唱歌天份」等。
![陳葦璇 曾被指同Anson Lo盧瀚霆撞樣﹗](https://imgs.nmplus.hk/wp-content/uploads/2022/08/-2022-08-16-11.22.46_199642055462fb14c49aca0-1024x700.png)
為何陳葦璇會亮相無綫?
日前(15日)亮相無綫《善心滿載仁愛堂》記者會,並預告表演跳唱串燒快歌﹗原來陳葦璇剛加盟環球唱片,與ViuTV…詳情請看
陳葦璇怕唔怕變「關嘉敏第二」?
陳葦璇就話唔怕成為「關嘉敏第二」被鬧反骨,因為啲fans好支持自己去…詳情請看