陳奕迅演唱會售票網水泄不通 「人為操控」定中港之爭?
網民多謝連登仔罷睇
陳奕迅(Eason)宣布搞演唱會時,有唔少人都唔睇好,更放言要罷睇,全因為新疆棉事件令Eason人氣大跌。不過到今日(6日)早上十點於城市售票網公開發售,有唔少網民指城市售票網於9點多時已經入唔到,討論區等都要唔少人表示想睇但搶唔到飛,似乎新疆棉事件並未有對Eason太大影響,有粉絲就湧現Eason ig留言要求加場因為未能撲飛「加場」「都入唔到 電話又打唔通」「希望連登仔罷睇,畀我買多兩張飛」「搶唔到飛呀」「多謝連登仔罷睇,成功買到飛」「啲歌林夕有份作架,梗係要入場撐林夕」「咪x同我搶」
網民分析係「人為操控」定香港內地之爭?!
對於此事,網民就有唔同的分析,其一認為唔係香港人買,而係內地網民喺度搶,事源昨日內地網民就於小紅書放言要必睇Eason演唱會,仲整埋教大家點搶飛,睇返Eason ig都有唔少簡體字的用戶留言搶緊飛。其次就係成件事只係「人為操控」12點時網站更新仲有40341張飛未賣,2點更新仲有24075張,網民於討論區發文指係人為故意倒塞網站,造成人氣高漲的效果,不過呢個說法就被唔少網民推翻,因為已經有唔少人出po求飛同要求加場,直指叫罷睇的人係有陰謀「叫人唔睇,跟住等自己搶到飛」。
有什麼攻略搶到陳奕迅演唱會2022門票?
陳奕迅(Eason)將會在年底舉行15場紅館跨年演唱會,想搶到陳奕迅演唱會2022門票,記得留意…詳情請看