陳卓賢《TEARS》演唱會2024：音樂與情感盛宴即將開鑼

陳卓賢的《IAN CHAN “TEARS” IN MY SIGHT SOLO CONCERT 2024》將於7月19日正式開始，為期七場的演唱會已進入緊張的最後排練階段。這次演唱會以「Tears」為主題，意在探索不同情感的深度和廣度。「今次係以唔同嘅眼淚做主題，所以喜怒哀樂，各方面嘅眼淚、情緒都會存在，所雖歌曲安排都會係圍繞住呢啲情緒，希望大家唔好帶任何前設入場睇，嘗試一入場嗰一刻，就投入當刻環境。唔好諗住入去之前要準備啲咩，要聽啲咩歌做定功課，其實係唔使，純粹享受當下。」Ian解釋了演唱會的核心理念。

音樂與演奏全新體驗

除了主題的深入，Ian也將在音樂上帶來全新的詮釋。「編曲上相信會帶到俾大家幾震撼感覺，因為音樂班底陣容鼎盛，樂隊以外，亦有弦樂同管樂，所以好多歌曲，會因應我哋今次會合作嘅音樂班底，重新編曲同調整，相信會為大家帶來一次音樂盛宴體驗，而我自己亦會參與不同樂器演奏部分，大家敬請期待。」Ian分享了對於音樂的熱情和對演出的期待。

舞台之外全新挑戰

在舞蹈方面，Ian表示自己已經逐漸適應，但新的挑戰在於如何在多方面同時保持專注。「因為而家跳舞叫做進步咗少少，跳舞方面已經冇咁大壓力，但今次會多咗唔同嘅嘢要兼顧，係需要focus多啲。以往某啲演出淨係負責唱歌，但今次參與部分多咗，就要做每樣嘢都要應付得好啲，focus啲、專注啲。」Ian透露了自己對於這次演出的不同準備和心態。

觀眾準備建議

為了讓觀眾更好地融入演唱會的雰圍，Ian也給出了一些實用的建議。「大家入場著舒適嘅衣服，最好帶條手巾仔，可能大家會有啲感動嘅。我唔係要迫到大家喊，而係希望大家會體會到當中想表達嘅message，然後relate到自己生活上嘅事情而有啲感受，純粹預備下手巾仔啦！」