陳凱琳鄭嘉穎520宣布懷第二胎!Rafa要榮升咗哥哥啦!唔知係細佬定係細妹呢?!|頭號粉絲
撰文、圖片:東方新地|編輯:iluvhk (部分原文刊於《東方新地》)
陳凱琳趁520IG宣布懷第二胎!Rafa要榮升咗哥哥啦!唔知係細佬定係妹妹呢?!
陳凱琳與鄭嘉穎帶著兒子Rafael一家三口合照宣布懷孕,幸福滿瀉,Rafa趣致又好精靈,再添多個弟妹會不會似足他咁可愛呢?
![陳凱琳,鄭嘉穎,懷孕,星二代,TVB,女明星](https://imgs.nmplus.hk/wp-content/uploads/2020/05/screen-shot-2020-05-20-at-1.38.07-pm_803086365ec4c4a04f6ed.png)
陳凱琳在IG發文寫上:「Rafa好快就要做哥哥啦~❤️ 好開心可以喺「520」宣佈我哋家庭將會多添一個新成員!喺呢段日子好感激我老公嘅細心照顧,亦都要多謝屋企人同朋友幫我保守呢個秘密同時送上充滿愛嘅祝福畀我哋!🥰 感恩收到@k11artus呢份baby-staycation 嘅禮物~ 每朝起身可以行出露台,望住美麗嘅海景,真係好享受!🌊 希望BB出世之後同哥哥一樣咁健康,咁有活力!God Bless!💗🙏🏻」!
更以英文寫上相信Rafa會成為一個好哥哥!
![陳凱琳,鄭嘉穎,懷孕,星二代,TVB,女明星](https://imgs.nmplus.hk/wp-content/uploads/2020/05/screen-shot-2020-05-20-at-1.50.32-pm_21140471705ec4c536b0615.png)
陳凱琳好姊妹龔嘉欣、譚凱琪、蔡思貝等都有送上祝福。
陳凱琳被指最近肚「突突」,Instagram上上載的影片中,陳凱琳已鬆身的睡衣上陣,被指身形被以前圓潤。由遠處走向鏡頭的Grace身穿鬆身睡衣,有網民指她的胸好像脹了及腰變粗,十足十孕媽媽的身形,Grace一直對外希望為兒子Rafael添個弟妹,難道今次借疫情停工之際,乘機造人成功?!
豪言囝囝一歲再開工 一擊即中
Grace誕下Rafael後,兩公婆一直想生多個,但鄭嘉穎深明老婆持家湊仔辛勞,不讓Grace長時間工作外,更揚言等囝囝至少一歲先再開工造人!今日傳出Grace懷第二胎的消息,礙於未夠三個月,鄭家上下好緊張怕BB小器未公布。其實Rafael今年情人節滿一歲,如果2月即時開turbo,計落Grace現在懷孕三個月,即幾乎百發百中,50歲鄭嘉穎果然有心有力!
![陳凱琳,鄭嘉穎,懷孕,星二代,TVB,女明星](https://imgs.orientalsunday.hk/wp-content/uploads/2020/02/ghlchan_95960243_559878924950992_3111750662108964620_n_14925132275ec2234d023a8.jpg)
鄭嘉穎囝囝一歲生日越大越靚仔
時間過得真係快,眨吓眼鄭嘉穎同陳凱琳嘅囝囝鄭承悅(Rafael),喺今年情人節當 日一歲生日,兩公婆特意為寶貝開p慶生,見Rafael愈大愈靚仔,嘉穎都忍唔住將父子照比 拼,似乎Rafael比爸爸更靚仔㖭!
![陳凱琳,鄭嘉穎,懷孕,星二代,TVB,女明星](https://imgs.orientalsunday.hk/wp-content/uploads/2020/02/1_1159a_aunt_p8_9_5743361595e4e11ddbfbe5-826x1024.jpg)
鄭嘉穎晒父子照比拼兩父子餅印一樣
首次同囝囝過生日,鄭嘉穎同陳凱琳特別為Rafael開p慶祝,嘉穎喺IG開心share一家 三口嘅溫馨照片,並留言:「祝大家情人節快樂!祝Rafael一歲生日快樂!」之後嘉穎更將自 己同Rafael嘅側面照比拼,兩父子餅印一樣,不過有唔少網民就話囝囝比老竇更靚仔!媽媽陳凱琳都不甘示弱,大晒多張同Rafael咀嘴嘅親熱母子照,仲話呢一年對佢嚟講變化好大,自爆經常處於素顏、疲累但又幸福嘅Mom-Mode,要捱眼瞓湊仔,佢又多謝老公嘉穎落力照顧囝囝,希望囝囝快高長大,更笑言好愛好愛Rafael,要不停地錫佢,勁sweet囉!
陳凱琳有仔萬事足 寧願做母后不做視后
兒子鄭承悅(Rafael)於2月14日情人節滿一歲,陳凱琳幾乎日日攬住前世小情人晒幸福,表示好唔捨得囝囝大得咁快,另一方面又高度讚揚老公鄭嘉穎是個百分百好爸爸,努力工作搵錢養家的同時,亦錫到個仔燶,身為阿媽唔止冇呷醋,仲好開心。囝囝Rafael令陳凱琳與鄭嘉穎享受為人父母,追多個女湊成「好」字就更加圓滿,據知陳凱琳已決定做全職媽媽,約滿無綫後將不再續約,全力為鄭嘉穎生個小公主,相夫教子,寧願做母后都唔恨視后。
![陳凱琳,鄭嘉穎,懷孕,星二代,TVB,女明星](https://imgs.orientalsunday.hk/wp-content/uploads/2020/02/13_1158a_catc_p26_27_11526398125e44f4739142b.jpg)
隨時生三個 最希望追多個女
結婚生仔令鄭嘉穎修心養性,陳凱琳功不可沒,陀B時曾表示產後會繼續幕前工作的 她,因為囝囝而計劃有變,據知情者透露:「生完B餵人奶,Grace(陳凱琳)已經對囝囝寸步 不離,之後就更加唔使講,睇住Rafael呢一年成長每個moment,Grace根本唔想再出嚟做 嘢,即使嘉穎話同佢去旅行二人世界,佢都要帶埋個仔去。生完冇耐Grace已經話會再繼續生,不過嘉穎唔想佢咁辛苦,所以plan咗Rafael一歲先開工造人,第二胎出世,囝囝兩歲就差唔多,佢哋好想追個女,仲話係女就收工,仔就再追多個,所以Grace唔再接劇,約滿無綫都唔會再續喇!以後只會接啲簡單又唔辛苦嘅代言工作,專注做賢妻良母。」
事實上,形象健康的陳凱琳產後代言工作不絕,深受客戶歡迎,唔拍劇一樣吸金力強 勁,產後只為無綫拍過一個旅遊節目《仨心友行》,可見她引退之決心。28歲的陳凱琳幸福 滿瀉,早前她接受訪問更承認完全沒有復出拍劇的時間表,家庭排第一,當務之急當然是為 鄭嘉穎追個女先,年過半百的鄭嘉穎有心有力,相信鼠年好快就有喜訊。
![陳凱琳,鄭嘉穎,懷孕,星二代,TVB,女明星](https://imgs.orientalsunday.hk/wp-content/uploads/2020/02/08_1158a_catc_p26_27_6732973885e44f46a53b75-684x1024.jpg)