萬千星輝頒獎典禮2021|鍾嘉欣陪跑14次仍痛失視后 以10字真言暗寸TVB 嘆未必再拍劇
撰文:東方新地 | 圖片:無綫片段截圖、ig@lindachung、《仁醫》劇照 | 編輯:Wendy (原文刊於東方新地)
萬千星輝頒獎典禮2021
鍾嘉欣《星空下的仁醫》輸林夏薇《七公主》
鍾嘉欣入行17年,已獲提名14次卻都止步於五強,今次憑著《星空下的仁醫》章以芯一角競爭視后,其多層次演技,無論揪心喊戲抑或與拍檔鄭嘉穎曖味甜蜜都讓人看得舒服,獲不少網民大讚演技肉眼可見的進步而成為大熱。已遠嫁加拿大專心相夫教子的她,為了頒獎禮特別回港隔離出席,惜仍難逃陪跑命運,敗給林夏薇。林夏薇憑《七公主》封后,林於劇內角色屬同性質喪夫虐心喊戲連連,助她首次封視后!
![萬千星輝頒獎典禮2021](https://imgs.orientalsunday.hk/wp-content/uploads/2022/01/lindachung_diary_267497143_634109964449206_8948901510821060253_n_164509052161d270433ab55-1024x960.jpg)
鍾嘉欣失獎後獲粉絲呵番
鍾嘉欣今次大熱倒灶,只獲得馬來西亞「我最喜愛女主角」,在奪得大馬視后時,冷靜講感言:「入行17年時間過得真快,在電視圈要站穩是需要很大汗水,也很感謝TVB給予鍾嘉欣一個名,在以後日子中也會繼續祝福TVB。」言語表情絲豪沒半點激動,似是已率先預知會失落香港視后。完騷後,鍾嘉欣換好衫就急急腳回家趕湊仔,臨離去前在電視城外留步與粉絲慶祝,粉絲送上預先訂製的「封后」蛋糕,為他們心目中的視后慶祝!
![萬千星輝頒獎典禮2021](https://imgs.orientalsunday.hk/wp-content/uploads/2022/01/lindachung_officialwebsite_271038474_930955407807177_7339228379351088667_n_34331939161d27247975e6-1024x588.jpg)
鍾嘉欣失獎感言由平靜到有骨
與粉絲慶祝期間,鍾嘉欣亦有接受《娛樂新聞台》主持訪問。被問到有否覺得失望,嘉欣抖啖大氣表示「一啲都冇」,然後滔滔不絕謂:「其實我唔知幾時再返嚟,再可以上呢個台,入咗行咁多年,其實我喺台上估到,所以我話我唔知仲有冇機會上到呢個台。提名嘅人都係我曾經的同事,係朋友,我知拍劇係需要好多汗水,佢哋都有佢哋嘅付出。」
![萬千星輝頒獎典禮2021](https://imgs.orientalsunday.hk/wp-content/uploads/2022/01/-2022-01-03-1.03.16_124245276961d2725e66729.png)
然後她進入自我安慰mode:「我覺得我可以有呢個心態好叻叻豬!以前細個,每次參加都好緊張,但做咗媽媽,內心強大,坐喺現場先知自己原來睇化咗,成個過程都好安然,去享受個騷,冇手汗,冇心跳加速,我依家長大咗,衷心祝福﹗」
鍾嘉欣更大爆老公個「衰豬」有睇直播,睇睇老婆靚唔靚,記者問佢老公認為打扮如何,鍾嘉欣嬌笑道:「佢話老婆好yummy!」本來稱囝囝好硬頸唔願瞓要等佢返歸,所以要趕住返屋企,但最後趕住趕住又答,鍾嘉欣重提今次返港原因,大爆TVB最初只用WhatsApp作邀請,她考慮良久,認為今次角色好多粉絲、網民及傳媒都支持,好多人想見證她站上台上領獎,好感恩,所以回港,最後她鬆一口氣謂:「可能我都係做得唔夠好,所以得唔到,我要繼續努力,可能十年後、幾年後有機會。(即係會繼續幕前工作?)嘩﹗講緊幾年喎,即係至少五年喎,其實未必有呢個機會,因為要遇到好心動嘅劇本,今次真係冇諗過呢部劇會為我帶來咁多嘢!」