鍾嘉欣廣州演唱會爆滿 獻唱經典金曲與粉絲分享人生重要時刻

香港歌手鍾嘉欣（Linda）近日在廣州舉行了她的《Remember『記得』・鍾嘉欣演唱會2024廣州站》，這場演唱會是她繼十年後再次舉辦的個人演唱會，吸引了大量粉絲前來支持，場面熱烈，座無虛席。演唱會上，Linda演繹了多首經典金曲，包括開場曲《一顆不變的心》以及其他膾炙人口的歌曲，如《我結婚了》等，她甚至在演唱《我結婚了》時向觀眾扔出花球，與粉絲分享她人生中的重要時刻。

挑戰跳唱

為了這次演唱會，Linda花瞭數月時間準備，從練歌到排舞，努力恢復到最佳狀態。演唱會中，她總共演繹了21首歌曲，包括《其實我不快樂》、《一人晚餐》、《日夜想你》和《最幸福的事》等。其中，以熱舞跳唱演繹的《Love Love Love》、《得閒找你》和《夢伴》等曲目，對她來說是一大挑戰。「今次演唱會係花咗好多心思，一步一步計劃出嚟，最大挑戰係跳唱環節，始終好多年冇跳舞，所以我跳出舒適圈好努力咁練習，好開心最後可以好順利完成，希望自己可以繼續做到老學到老，繼續挑戰新事物。」

向觀眾扔花球

在演唱會中，Linda將《我結婚了》這首歌獻給了觀眾，並向他們扔出花球，這一幕成為了演唱會中最難忘的一刻。「唱呢首歌，之後扔花球畀觀眾，其實2015年突然結婚嘅消息，當時刺激咗好多錫我嘅人同粉絲，之後我再突然離開香港生活、生仔，好多粉絲都冇見證到我嘅婚禮，呢個環節好似之前結婚咁，分享番呢個重要時刻，而花球裡係好特別，有我寫嘅字句。」

「處女黨」現身撐場

對於一班好姊妹與好友專程到廣州撐場，Linda感到非常驚喜。「唔知道佢哋會嚟，之前君馨又話要開會、亞男又話要返工，個個都好似好忙咁，佢哋突然間出現晒，好驚喜。」她透露，雖然家人因為距離過遠未能到場，但她希望未來他們能有機會親眼看她的演出。「我同囡囡講『唔緊要，媽媽會繼續加油，下次睇我演唱會，演出會更加勁嘅』，而我老公，佢一定急不及待完騷後喺網上搵片嚟睇。」

終於可以食熱氣食物

演唱會結束後，Linda表示她最想做的事就是享受一頓豐盛的煎炸食物。「我要食好多熱氣、好辣、好炸嘅嘢，因為呢排要好好養聲練氣，飲食上都好節制，完騷當然要食餐勁，同埋想第一時間返加拿大見我老公同啲小朋友，好掛住佢哋，我哋日日都有視像，有時短暫嘅分離，會令大家關係更加思念。」