金宵大廈2|李施嬅自揭患上複雜怪病 網民:係咪因為《金宵大廈2》?
廣告
《金宵大廈2》終於開播,連日來有不少預告片及劇照宣傳流出。但原來女主角李施嬅於拍攝期間曾經患上重病,仲因為停工養病半年!李施嬅於社交平台上載一條短片,解答患病經歷,片中見她右手臂正插喉接受治療,唔少網民表示好邪!不過李施嬅透露原來係患上一個與免疫系統有關的病。
病情嚴重要停工半年養病!
現年41歲的李施嬅日前在社交網上載短片交代自己患病的經過,畫面見到她戴上口罩、右手臂正插喉接受治療。李施嬅透露原來已停工近半年,自去年9月開始發現眼睛出現問題,之後聽醫生建議接受手術,但手術後並沒冇改善。到今年初她不停找過很多醫生做檢查,幸好遇上眼科醫生Dr Marcus Marcet,經對方詳細檢查,包括驗血、磁力共振及照X光,發現她患上一個頗為複雜的病。
![李施嬅 萬眾期待的奇幻神劇《金宵大廈2》將於4月4日開播。](https://imgs.orientalsunday.hk/wp-content/uploads/2022/04/2022-04-01-10.35.01-copy_1954918075624685664e500-1024x576_17227389006246c2d6d5352-1024x576.jpg)
病症複雜 免疫系統出現問題
李施嬅說:「最後得知原來患有關免疫系統病,呢個病幾複雜,同Jada Pinkett(珍達娉琦,韋史密夫老婆)類似,佢被攻擊頭髮所以甩晒,所以我見到都好心痛,因為女仔咁樣其實真係好慘。而我同樣係免疫系統問題,不過就攻擊對眼,導致眼睛出現好多問題,開唔到工,對一個女仔嚟講,尤其係藝人,真係會好沮喪,因為做唔到任何嘢。Jada Pinkett都有做呢個治療,好不幸對佢唔work,不過我感覺係有效,手指交叉動作好快好番,不過呢個治療係會令抵抗力大減,如果感染到新冠肺炎好大機會變重症,所以呢段時間要好小心,見唔到記者朋友做宣傳,只可以喺網上宣傳。」
李施嬅 Selena Lee 解答健康狀況
撰文:東方新地圖片來源:IG@selenaleelalee、《金宵大廈2》劇照、YouTube@Selena Lee資料或影片來源:YouTube@Selena Lee