鄭中基聲明疑點重重 忽然提與蔡卓妍首段婚姻「好唔開心」又歌頌老婆余思敏
長文提及首段婚姻「好唔開心」
在長文中鄭中基未有提及最近在機動娛樂發生的問題,亦未有提到自己對何慶湘的指控,反而就有提及上一段「短暫的婚姻」,又說到「呢段婚姻令到我好唔開心」回顧2010年,鄭中基在與蔡卓妍宣布離婚的記者會上,曾發表一番話,卻證明了他前後言辭矛盾。鄭中基當時是指與阿sa結婚是一個「很開心的決定」也強調2人有過一段很開心的時間。
![鄭中基 余思敏 鄭中基聲明避重就輕疑點重重,忽然提與蔡卓妍首段婚姻,仲表示好唔開心(圖片來源:fb@Ronald Cheng 鄭中基)](https://imgs.nmplus.hk/wp-content/uploads/2024/08/_11117324366b39354751f4-602x1024.jpg)
其實在2014年,事件中的女主角蔡卓妍(阿Sa)有接受雜誌訪問,提起呢段「閃婚」阿Sa 與鄭中基早於2006年1月31日在美國洛杉磯Van Nuys區注冊結婚,當時24歲的阿Sa 正值事業搏殺期,最大問題是Twins辛苦經營的可愛少女形象,根本容不下半點「人妻feel」,一旦穿煲,分分鍾連累拍檔。
蔡卓妍曾經回顧4年婚姻
蔡卓妍受訪時表示:「嗰時心態係想做就去做,想結咪結囉,覺得幾型吖,後生嘛,就係有一股傻勁,邊識諗咁多。」可能在美國,呼吸着自由的空氣,自覺只要不犯法,甚麽事都能做,忘了自己的身份處境,但回到香港,回到現實,那份信念開始動搖,開始害怕,變成不敢告訴任何人。明明兩個結了婚的人,卻要像偷情一樣,4年婚姻,出街拍拖的次數十隻手指數得曬;明明坐同一部車出門口,一個坐司機位,一個匿車尾箱,實在帶點喜劇味道。「我匿之嘛,佢咁大點匿呀?有一次真係覺得自己就嚟焗死,夏天加烈日當空,好似焗爐咁,其實落車嗰陣都要選一個適合地點,無理由停喺五星級酒店,我喺車尾箱爬出嚟嫁,呢單嘢真係好搞笑。」刺激嗎?「當你要喺一個絕境求生, 就會諗到呢啲屎橋,哈…哈…」
曾經心虛 驚到震
阿Sa以「絕境」來形容當時處境,記者笑她「誇張」,她卻露出一個「你不會明白」的表情。「可能心虛,嗰時真係好驚,首先未試過公開一段戀情,而且大部分前輩教落都係要偷偷摸摸,好少有我呢啲先河,所以心入面冇一個底。」那後悔嗎?「冇,因爲嗰個人同嗰件事係part of 你嘅生命,自己揀嘅,有乜好後悔!」「初初會將所有嘢放大,例如報紙嘅批評、自己嘅情緒,嘩!好似世界末日,覺得好唔開心。自己匿埋幾日,突然望住塊鏡,我咪仲生勾勾喺度,仲有飯食,有屎屙,有覺瞓,其實都冇乜嘢!」
![鄭中基 余思敏 阿Sa 與鄭中基早於2006年1月31日在美國洛杉磯Van Nuys區注冊結婚。(圖片來源:新傳媒資料室)](https://imgs.sundaykiss.com/wp-content/uploads/2024/08/201103221629164618383024_174037269866b20ea417e28.jpg)
鄭中基離婚後 火速搭上余思敏
2011年4月8日,鄭中基被踢爆女友余思敏(Sammie)為他未婚懷有女嬰,將於10月榮升爸爸,更會於短期內迎娶女友。早於2011年1月,前香港有線電視女主播余思敏已發現自己懷有鄭中基的骨肉,之後更向有線請辭專心安胎。同年,余思敏順利誕下女兒。2015年,妻子余思敏再誕下兒子。
網民再次質疑聲明由余思敏「操筆」
有網友睇完鄭中基發聲明後非常疑惑,矛頭更指余思敏處事方式:「最尾個聲明仲誇張 ,呢頭公司發生事 轉果頭老公就抑鬱 。最離譜搬埋阿sa段婚姻黎講,大佬全香港都知你老公同阿sa 2010年離婚,2011年就好快同你結婚生女啦!」「搵老公事業教飛。真係好唔成熟」「搶老公電話,咁衝動post啲咁嘅嘢」就連陳志雲早前開咪亦懷懷疑現時鄭中基社交平台已由老婆營運。